സംസ്ഥാനത്തെ ഉന്നത പൊലീസ് തലപ്പത്ത് സർക്കാർ സുപ്രധാന മാറ്റങ്ങൾ വരുത്തി. ക്രമസമാധാന ചുമതലയുള്ള എഡിജിപിയായി പി വിജയനെ നിയമിച്ചു.
നിലവിൽ ഈ പദവി വഹിച്ചിരുന്ന എച്ച് വെങ്കിടേഷിനെ ആ സ്ഥാനത്തുനിന്നും മാറ്റി ക്രൈംബ്രാഞ്ച് മേധാവിയായി നിയമിച്ചു. ഇതോടെ ക്രൈംബ്രാഞ്ച് മേധാവിയുടെ അധിക ചുമതലകൾ അദ്ദേഹത്തിന് ഉണ്ടാവില്ല.
എസ് ശ്രീജിത്തിനെ ജയിൽ മേധാവിയായി നിയമിച്ചുകൊണ്ട് ഉത്തരവായി. ഇന്റലിജൻസ് വിഭാഗത്തിന്റെ ചുമതല ദിനേന്ദ്ര കശ്യപിനായിരിക്കും.
സംസ്ഥാനത്തെ ക്രമസമാധാന പരിപാലനത്തിലും ഭരണപരമായ കാര്യങ്ങളിലും വലിയ മാറ്റങ്ങൾ ലക്ഷ്യമിട്ടാണ് ഈ പുനഃസംഘടന. കോഴിക്കോട് സിറ്റി പൊലീസ് കമ്മീഷണറായി ഷൗക്കത്തലിയെ നിയമിച്ചു.
ടി പി കേസ് അന്വേഷണ സംഘത്തിൽ ഉൾപ്പെട്ടിരുന്ന ഉദ്യോഗസ്ഥനാണ് ഇദ്ദേഹം. പൊലീസ് ആസ്ഥാനത്തിന്റെ ചുമതല ഒരു വനിതാ ഉദ്യോഗസ്ഥയ്ക്ക് നൽകി എന്നത് ഈ നിയമനങ്ങളുടെ മറ്റൊരു പ്രത്യേകതയാണ്.
ഹർഷിത അട്ടല്ലൂരിയെയാണ് പൊലീസ് ആസ്ഥാനത്തെ സുപ്രധാന ചുമതല ഏൽപ്പിച്ചിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
