ദീർഘദൂര ഓട്ടക്കാരെയും ട്രെയിൽ റണ്ണർമാരെയും ലക്ഷ്യമിട്ട് സാംസങ്ങിന്റെ ഏറ്റവും പുതിയ സ്മാർട്ട്വാച്ചായ Galaxy Watch Ultra 2 വിപണിയിലെത്തി. കാഴ്ചയിൽ മുൻപതിപ്പിന് സമാനമായ രൂപകൽപ്പനയാണെങ്കിലും, അത്ലറ്റുകൾക്കും സാഹസിക ഓട്ടക്കാർക്കുമായി തികച്ചും അനുയോജ്യമായ സാങ്കേതിക മുന്നേറ്റങ്ങളാണ് ഇതിൽ ഉൾപ്പെടുത്തിയിരിക്കുന്നത്.
പ്രത്യേകിച്ച്, വാച്ചിൽ പുതുതായി അവതരിപ്പിച്ചിരിക്കുന്ന Trail Run മോഡ് കായിക രംഗത്തുള്ളവരുടെ വലിയ ശ്രദ്ധ നേടുന്നുണ്ട്. സാധാരണ റണ്ണിങ് ഫീച്ചറുകളിൽ നിന്ന് വ്യത്യസ്തമായി, സാംസങ് ഹെൽത്ത് സാങ്കേതികവിദ്യകളെ ഒന്നിച്ചുചേർത്താണ് ട്രെയിൽ റൺ മോഡ് സജ്ജമാക്കിയിരിക്കുന്നത്.
മുൻകൂട്ടി നിശ്ചയിച്ച ഓട്ടപ്പാതകൾ വാച്ചിലേക്ക് നൽകാനും പാതയിലെ കയറ്റിറക്കങ്ങൾ കൃത്യമായി നിരീക്ഷിക്കാനും ഇതിലൂടെ സാധിക്കും. ബ്രാൻഡ് സാക്ഷ്യപ്പെടുത്തുന്നത് അനുസരിച്ച്, ഓട്ടത്തിനിടെ ഉപയോക്താവിന്റെ “elevation, climbing progress, and terrain impact” എന്നിവ ഈ ഉപകരണം കൃത്യമായി രേഖപ്പെടുത്തും.
ഇതിനുപുറമേ, ഓട്ടം പൂർത്തിയാക്കാൻ എടുക്കുന്ന അനുമാന സമയം സജ്ജമാക്കുന്ന estimated run finish timer സംവിധാനവും ഇതിലുണ്ട്. കഠിനമായ ഓട്ടത്തിനിടയിൽ ശരീരത്തിലെ ജലാശം നിലനിർത്താൻ സഹായിക്കുന്ന Nutrition Alert ഫീച്ചറാണ് മറ്റൊരു പ്രധാന ആ ആകർഷണം.
Galaxy Watch 8 മോഡലിൽ ഉണ്ടായിരുന്ന ‘സ്വെറ്റ് ലോസ് മോണിറ്റർ’ സംവിധാനത്തിന്റെ കൂടുതൽ പരിഷ്കരിച്ച പതിപ്പാണിത്. നിർജ്ജലീകരണം ഒഴിവാക്കാനും വിയർപ്പിലൂടെ നഷ്ടപ്പെടുന്ന ലവണങ്ങൾ നികത്താനും ആവശ്യമായ സമയങ്ങളിൽ ദാഹജലം കുടിക്കുന്നതിനുള്ള ഓർമ്മപ്പെടുത്തലുകൾ ഈ വാച്ച് നൽകും.
കൂടാതെ, ഓടുന്ന ഉപരിതലത്തിന്റെ സ്വഭാവം അനുസരിച്ച് വേഗത ക്രമീകരിക്കാൻ terrain impact ടൂൾ സഹായിക്കും. ദീർഘദൂര ഓട്ടക്കാർക്കിടയിൽ ഏറെ ജനപ്രീതിയാർജ്ജിച്ച Garmin സ്മാർട്ട്വാച്ചുകൾക്ക് ശക്തമായ മത്സരമുയർത്താനാണ് സാംസങ് ഈ പുതിയ സവിശേഷതകളിലൂടെ ശ്രമിക്കുന്നത്.
സാങ്കേതിക സവിശേഷതകൾ പരിശോധിക്കുമ്പോൾ, 2GB റാമും 64GB ഇന്റേണൽ സ്റ്റോറേജുമാണ് വാച്ചിലുള്ളത്. Bluetooth v6.0 കണക്റ്റിവിറ്റിയുള്ള ഈ ഉപകരണത്തിന്റെ ഭാരം 61.5g ആണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
