യുവതലമുറയിലെ വർദ്ധിച്ചുവരുന്ന ഹൃദയാഘാതം: ശ്രദ്ധിക്കേണ്ട കാര്യങ്ങൾ

പ്രായമായവരെ മാത്രം ബാധിക്കുന്ന ഒന്നാണ് ഹൃദയസ്തംഭനവും ഹൃദയാഘാതവും എന്ന ധാരണ ഇന്ന് അപ്രസക്തമായിരിക്കുകയാണ്. 20, 30, 40 വയസ്സ് പ്രായമുള്ളവരിൽ ഹൃദയസംബന്ധമായ അസുഖങ്ങൾ ആശങ്കാജനകമായ രീതിയിൽ വർദ്ധിച്ചുവരുന്നതായാണ് പുതിയ കണക്കുകൾ സൂചിപ്പിക്കുന്നത്.

തൊഴിലിടങ്ങളിലെ അമിത ജോലിഭാരം, തുടർച്ചയായ മാനസിക സമ്മർദ്ദം, ഉറക്കക്കുറവ്, പുകവലി, വ്യായാമരഹിതമായ ജീവിതശൈലി, തിരിച്ചറിയപ്പെടാതെ പോകുന്ന ആരോഗ്യപ്രശ്നങ്ങൾ എന്നിവയാണ് ഇതിന്റെ പ്രധാന കാരണങ്ങൾ. എന്നാൽ കൃത്യമായ മുൻകരുതലുകളിലൂടെയും ലക്ഷണങ്ങൾ തിരിച്ചറിഞ്ഞും ഒരു പരിധിവരെ ഈ അവസ്ഥയെ പ്രതിരോധിക്കാൻ സാധിക്കും.

പ്രധാന മുൻകരുതലുകൾ ലക്ഷണങ്ങളെ അവഗണിക്കരുത്
നെഞ്ചിലെ അസ്വസ്ഥത, ഭാരം അനുഭവപ്പെടുക, ശ്വാസംമുട്ടൽ, നെഞ്ചിടിപ്പിലെ മാറ്റം, തലകറക്കം, അമിത തളർച്ച എന്നിവ പലപ്പോഴും ഗ്യാസ് ട്രബിൾ ആണെന്നോ മാനസിക സമ്മർദ്ദമാണെന്നോ കരുതി പലരും തള്ളിക്കളയാറുണ്ട്. ഇത്തരത്തിലുള്ള അവഗണന അതീവ അപകടകരമാണ്.

ഹൃദയമിടിപ്പിലെ വ്യതിയാനങ്ങൾ, പേശികളിലെ വീക്കം, ഘടനാപരമായ തകരാറുകൾ എന്നിവ പെട്ടെന്നുണ്ടാകുന്ന മരണങ്ങൾക്ക് കാരണമാകാം. സമ്മർദ്ദം നിയന്ത്രണവിധേയമാക്കുക
തുടർച്ചയായ മാനസിക സമ്മർദ്ദം ശരീരത്തിൽ ‘ഫൈറ്റ് ഓർ ഫ്ലൈറ്റ്’ (Fight or Flight) പ്രതികരണങ്ങൾ സജീവമാക്കുന്നു.

ഇത് രക്തസമ്മർദ്ദം വർദ്ധിപ്പിക്കുകയും ഹൃദയാരോഗ്യത്തിന് വെല്ലുവിളിയാവുകയും ചെയ്യുന്നു. ജീവിതശൈലി ക്രമീകരിക്കുക
അശാസ്ത്രീയമായ ഉറക്കം, സമയമല്ലാത്ത ഭക്ഷണരീതി, കഫീന്റെ അമിത ഉപയോഗം, ഭക്ഷണത്തിൽ ഉപ്പിന്റെയും സംസ്കരിച്ച ഭക്ഷണങ്ങളുടെയും അമിത സാന്നിധ്യം എന്നിവ ഹൃദയത്തിന്റെ താളം തെറ്റിക്കുന്നു.

കഠിനമായ വ്യായാമത്തേക്കാൾ ജീവിതശൈലിയിലെ സ്ഥിരതയ്ക്കാണ് മുൻഗണന നൽകേണ്ടത്. വ്യായാമം കരുതലോടെ
ഹൃദയാഘാതത്തെ പ്രതിരോധിക്കാൻ വ്യായാമം അത്യന്താപേക്ഷിതമാണ്.

എന്നാൽ മതിയായ പരിശീലനമോ ശാരീരികക്ഷമതയോ ഇല്ലാതെ പെട്ടെന്ന് കഠിനമായ വ്യായാമങ്ങളിൽ ഏർപ്പെടുന്നത് അപകടങ്ങൾക്ക് വഴിവെക്കാം. കൃത്യമായ ആരോഗ്യ പരിശോധനകൾ
ഉയർന്ന രക്തസമ്മർദ്ദം, പ്രമേഹം, കൊളസ്ട്രോൾ, പാരമ്പര്യമായി പകരുന്ന ഹൃദ്രോഗങ്ങൾ എന്നിവ പലപ്പോഴും പുറമെ ലക്ഷണങ്ങൾ കാണിക്കാതെ ശരീരത്തിൽ നിലനിൽക്കും.

അതിനാൽ കൃത്യമായ ഇടവേളകളിൽ ആരോഗ്യ പരിശോധനകൾ നടത്തേണ്ടത് അനിവാര്യമാണ്. ശരീരത്തിന്റെ ചെറിയ മാറ്റങ്ങളെ പോലും ശ്രദ്ധിക്കുകയും ആരോഗ്യകരമായ ശീലങ്ങൾ ജീവിതത്തിൽ ഉൾപ്പെടുത്തുകയും ചെയ്യുന്നതിലൂടെ ഹൃദയത്തിന്റെ ആരോഗ്യം സംരക്ഷിക്കാൻ സാധിക്കും.