സംസ്ഥാനത്ത് തുടർച്ചയായി അനുഭവപ്പെടുന്ന വൈദ്യുതി പ്രതിസന്ധിക്ക് പരിഹാരം കാണുന്നതിന്റെ ഭാഗമായി കെഎസ്ഇബി പൊതുജനങ്ങളുടെ സജീവമായ സഹായം തേടി. നിലവിൽ പീക്ക് സമയങ്ങളിൽ 800 മുതൽ 900 മെഗാവാട്ട് വരെ വൈദ്യുതി ലഭ്യതയിൽ കുറവ് നേരിടുന്നുണ്ടെന്നാണ് ഔദ്യോഗിക കണക്കുകൾ വ്യക്തമാക്കുന്നത്.
ഈ സാഹചര്യം കണക്കിലെടുത്ത്, ഉപഭോക്താക്കൾ വൈകിട്ട് 6 മണിക്ക് ശേഷം വൈദ്യുതി ഉപഭോഗം പരമാവധി ചുരുക്കണമെന്ന് ബോർഡ് അഭ്യർത്ഥിച്ചു. അതേസമയം, അപ്രഖ്യാപിത വൈദ്യുതി നിയന്ത്രണങ്ങൾക്കെതിരെ ജനങ്ങൾക്കിടയിൽ പ്രതിഷേധം ശക്തമായിട്ടുണ്ട്.
ഇതിന്റെ പശ്ചാത്തലത്തിൽ, പവർ കട്ട് അല്ലെങ്കിൽ ലോഡ് ഷെഡിംഗ് സംബന്ധിച്ച വിവരങ്ങൾ മുൻകൂട്ടി ഉപഭോക്താക്കളെ അറിയിക്കാനുള്ള സംവിധാനം അതിവേഗം സജ്ജമാക്കാൻ കെഎസ്ഇബി നടപടികൾ സ്വീകരിച്ചിട്ടുണ്ട്. സംസ്ഥാനത്ത് വൈദ്യുതി നിയന്ത്രണം പൂർണ്ണമായി ഒഴിവാക്കാൻ സാധിച്ചില്ലെങ്കിലും, വരും ദിവസങ്ങളിൽ ഉണ്ടാകാനിടയുള്ള തടസ്സങ്ങളുടെ ദൈർഘ്യം പരമാവധി കുറയ്ക്കുകയാണ് ലക്ഷ്യമെന്ന് അധികൃതർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
