മൂന്നാർ – വട്ടവട റോഡിലെ ആന്റണിയുടെ മാതാ ഹോട്ടലും ഹോട്ടലിനുള്ളിലെ അലങ്കാര ‘മരക്കുട’യും

മൂന്നാർ ∙ ആന്റണി സാമുവേൽ (50) എന്ന തോട്ടം തൊഴിലാളിയുടെ ചായക്കടയും കടയുടെ നടുവിൽ വളരുന്ന മരവും തമ്മിലുള്ള ബന്ധത്തിന് 30 വയസ്സ്. മൂന്നാർ – വട്ടവട

റോഡിലുള്ള എല്ലപ്പെട്ടിയിലാണ് ആന്റണിയുടെ മാതാ ഹോട്ടലും ഹോട്ടലിനുള്ളിലെ അലങ്കാര ഇല മരവുമുള്ളത്. എല്ലപ്പെട്ടി സെൻട്രൽ ഡിവിഷൻ സ്വദേശിയാണ് ആന്റണി.

എല്ലപ്പെട്ടി ഫാക്ടറിയിലെ വാച്ചറായ ഇദ്ദേഹം മുപ്പത് വർഷം മുൻപാണ് ജോലിക്കു കയറിയത്. തുച്ഛമായ ശമ്പളം മാത്രമുണ്ടായിരുന്ന അക്കാലത്ത് അധികവരുമാനം എന്ന ലക്ഷ്യമിട്ടാണ് പാതയോരത്ത് പ്ലാസ്റ്റിക് വലിച്ചുകെട്ടി ചെറിയ ചായക്കട

ആരംഭിച്ചത്.
കട തുടങ്ങുമ്പോൾ ഇവിടെ ചെറിയ ഒരു മരം ഉണ്ടായിരുന്നു.

അന്നു മുതൽ യാതൊരു വിധ കോട്ടവും ഉണ്ടാകാത്ത വിധത്തിലാണ് ആന്റണി മരത്തെ സംരക്ഷിച്ചു വരുന്നത്. ഇടയ്ക്ക് ഹോട്ടൽ വിപുലപ്പെടുത്തേണ്ടി വന്നപ്പോൾ, ഹോട്ടലിലെ അടുപ്പിൽ നിന്നുള്ള ചൂട് അടിക്കാതിരിക്കാനും ആളുകൾ പിടിച്ച് നശിപ്പിക്കാതിരിക്കാനുമായി മരത്തിന് ചുറ്റുമായി ഇരുമ്പുതകിട് പൊതിഞ്ഞു.

ഹോട്ടൽ വിപുലപ്പെടുത്തിയപ്പോഴും മരത്തിന് സ്വതന്ത്രമായി വളരാനുള്ള സൗകര്യമൊരുക്കിയാണ് ആന്റണി മേൽക്കൂര തയാറാക്കിയത്. …