മലയാള സിനിമയുടെ പ്രിയതാരം മോഹൻലാലിന്റെ മകൾ വിസ്മയ മോഹൻലാൽ അഭിനയരംത്തേക്ക് കടന്നുവന്ന ‘തുടക്കം’ എന്ന ചിത്രത്തിലെ പുതിയ വീഡിയോ ഗാനം അണിയറപ്രവർത്തകർ പുറത്തുവിട്ടു. സംവിധായകൻ ജൂഡ് ആന്തണി ജോസഫ് ഒരുക്കിയ ഈ സിനിമയിലെ ‘നന്ഹീ കലീ’ എന്ന ഹിന്ദി ഗാനമാണ് ഇപ്പോൾ പുറത്തുവന്നിരിക്കുന്നത്.
എം പ്രസാദ് ബാബു രചിച്ച വരികള്ക്ക് സംഗീതം പകര്ന്നിരിക്കുന്നത് ജേക്സ് ബിജോയ് ആണ്. ഗാനം ആലപിച്ചിരിക്കുന്നത് സിന്ധുജ ശ്രീനിവാസൻ ആണ്.
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം കഴിഞ്ഞ ഏഴാം തീയതിയാണ് തിയറ്ററുകളിൽ എത്തിയത്. സർവ്വകലാശാലാ വിജയം നേടിയ ‘2018’ എന്ന ചിത്രത്തിന് ശേഷം ജൂഡ് ആന്തണി ജോസഫ് സംവിധാനം ചെയ്ത ചിത്രം എന്ന പ്രത്യേകതയും ഇതിനുണ്ടായിരുന്നു.
ചിത്രത്തിൽ നിർമ്മാതാവ് ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും ഒരു പ്രധാന വേഷത്തിൽ എത്തിയിട്ടുണ്ട്. അദ്ദേഹത്തിന്റെ പ്രകടനത്തിന് മികച്ച പ്രേക്ഷക സ്വീകാര്യതയാണ് ലഭിച്ചത്.
കൂടാതെ ചിത്രത്തിൽ മോഹൻലാൽ അതിഥി വേഷത്തിലും എത്തിയത് ആരാധകരിൽ വലിയ ആവേശം സൃഷ്ടിച്ചിരുന്നു. ഡോ.
എമിൽ ആന്റണിയും ഡോ. അനീഷ ആന്റണിയുമാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസേർസ്.
ലിനീഷ് നെല്ലിക്കൽ, അഖിൽ കൃഷ്ണ, ജൂഡ് ആന്തണി ജോസഫ് എന്നിവരാണ് ചിത്രത്തിന്റെ തിരക്കഥ രചിച്ചിരിക്കുന്നത്. ചിത്രത്തിന്റെ സംഗീതം ജേക്സ് ബിജോയ് നിർവ്വഹിച്ചപ്പോൾ, ക്യാമറ കൈകാര്യം ചെയ്തത് ജോമോൻ ടി ജോൺ ആണ്.
എഡിറ്റിംഗ് ചമൻ ചാക്കോയും പ്രൊഡക്ഷൻ ഡിസൈൻ സന്തോഷ് രാമൻ നിർവ്വഹിച്ചു. മേക്കപ്പ് ജിതേഷ് പൊയ്യ, കോസ്റ്റ്യൂം ഡിസൈൻ അരുൺ മനോഹർ, ചീഫ് അസോസിയേറ്റ് ഡയറക്ടർ സൈലക്സ് ഏബ്രഹാം, ഫിനാൻസ് കൺട്രോളർ മനോഹരൻ കെ പയ്യന്നൂർ, പ്രൊഡക്ഷൻ എക്സിക്യൂട്ടീവ്സ് വിനോദ് ശേഖർ, ശ്രീക്കുട്ടൻ, പ്രൊഡക്ഷൻ കൺട്രോളർ ബിജു തോമസ് എന്നിവരും ചിത്രത്തിന് പിന്നിൽ പ്രവർത്തിച്ചു.
ആദ്യ ദിനം മുതൽ തന്നെ മികച്ച അഭിപ്രായങ്ങൾ നേടിയ ചിത്രത്തിന് ബോക്സ് ഓഫീസിലും വലിയ മുന്നേറ്റം നടത്താൻ സാധിച്ചു. പ്രമുഖ ട്രാക്കർമാരായ സാക്നില്കിന്റെ കണക്കുപ്രകാരം ആഗോള ബോക്സ് ഓഫീസിൽ നിന്ന് ചിത്രം ഇതുവരെ 39 കോടിയാണ് നേടിയത്.
ഇതിൽ ഇന്ത്യയിൽ നിന്നുള്ള ഗ്രോസ് കലക്ഷൻ 24 കോടിയും, വിദേശ മാർക്കറ്റുകളിൽ നിന്ന് നേടിയത് 15 കോടിയുമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
