തൃശൂർ–ഗുരുവായൂർ പാസഞ്ചർ 23 മുതൽ; തൃശൂരിൽ നിന്ന് പുറപ്പെടുന്നതു രാവിലെ 10.30നും രാത്രി 8.10നും

ഗുരുവായൂർ ∙ തൃശൂർ–ഗുരുവായൂർ റൂട്ടിൽ ആരംഭിക്കുന്ന പാസഞ്ചർ ട്രെയിനിന്റെ ഉദ്ഘാടന ചടങ്ങ് 23ന് രാവിലെ തൃശൂർ റെയിൽവേ സ്റ്റേഷനിൽ നടക്കും. അന്ന് തിരുവനന്തപുരത്ത് പ്രധാനമന്ത്രി നരേന്ദ്രമോദി ഉദ്ഘാടനം ചെയ്യുന്ന 5 ട്രെയിനുകളിൽ ഒന്ന് ഗുരുവായൂർ –തൃശൂർ പാസഞ്ചറാണ്.
പ്രധാനമന്ത്രിയുടെ ഉദ്ഘാടന പ്രസംഗം കഴിഞ്ഞാൽ ട്രെയിനിന് റെയിൽവേ സഹമന്ത്രി വി.സോമണ്ണ പച്ചക്കൊടി വീശും.

രാവിലെ 10.30ന് തൃശൂരിൽ നിന്നു പുറപ്പെടുന്ന ട്രെയിൻ 11.05ന് ഗുരുവായൂരിലെത്തും. വൈകിട്ട് 6.10ന് ഗുരുവായൂരിൽ നിന്ന് പുറപ്പെട്ട് 6.50ന് തൃശൂരിലെത്തും.തിരികെ രാത്രി 8.10ന് തൃശൂരിൽ നിന്ന് പുറപ്പെട്ട് രാത്രി 8.45ന് ഗുരുവായുരിൽ മടങ്ങിയെത്തുന്നതാണ് സമയക്രമം.

… FacebookTwitterWhatsAppTelegram