യുവാവിനെ കൊലപ്പെടുത്താൻ ശ്രമം: 3 പേർ അറസ്റ്റിൽ
അളഗപ്പനഗർ ∙ പച്ചളിപ്പുറത്ത് യുവാവിനെ വീട് കയറി കൊലപ്പെടുത്താൻ ശ്രമിച്ച കേസിൽ 3 പേർ അറസ്റ്റിൽ. കല്ലൂർ മാവിൻചുവട് ജിതിൻ ലാൽ (ജിതു-36), എടതിരിഞ്ഞി പുതുപ്പള്ളി നസ്മൽ (23), കല്ലൂർ ആതൂർ ചിട്ടിയാട്ട് ബിഥുൻ (35) എന്നിവരെയാണു പുതുക്കാട് പൊലീസ് അറസ്റ്റ് ചെയ്തത്. പച്ചളിപ്പുറം അറയ്ക്കൽ വീട്ടിൽ വിശാഖിനെയാണ് (30) പ്രതികൾ തിങ്കളാഴ്ച വൈകിട്ട് 5.30നു മാരകായുധങ്ങളുമായി എത്തി കൊലപ്പെടുത്താൻ ശ്രമിച്ചത്.
ബിഥുനെതിരെ ഒരു വർഷം മുൻപു വിശാഖ് പൊലീസിൽ പരാതി നൽകിയതിന്റെ വൈരാഗ്യത്താലാണ് അക്രമം നടത്തിയത്.പ്രതികൾക്കെതിരെ വിവിധ സ്റ്റേഷനുകളിൽ മറ്റു കേസുകളുമുണ്ട്.
എസ്‌ഐമാരായ എൻ.പ്രദീപ്, ലിയാസ്, സിവിൽ പൊലീസ് ഓഫിസർമാരായ നിഥിഷ്, പ്രശാന്ത് എന്നിവർ ചേർന്നാണു പ്രതികളെ പിടികൂടിയത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
