യാത്രകളിൽ ഓഫ്‌ലൈനായി കാണാനായി സിനിമകളും ഷോകളും ഡൗൺലോഡ് ചെയ്യാൻ ശ്രമിക്കുമ്പോൾ ഫോണിൽ ആവശ്യത്തിന് സ്റ്റോറേജ് ഇല്ലാത്ത അവസ്ഥ പലപ്പോഴും പ്രയാസം സൃഷ്ടിക്കാറുണ്ട്. സ്മാർട്ട്‌ഫോണുകളുടെ വില അനുദിനം വർധിച്ചുവരുന്ന സാഹചര്യത്തിൽ, കൂടുതൽ സ്റ്റോറേജുള്ള ഒരു പുതിയ ഫോണിലേക്ക് പെട്ടെന്ന് മാറാൻ എല്ലാവർക്കും കഴിഞ്ഞെന്നു വരില്ല.
എന്നാൽ ഇതിനൊരു മികച്ച പരിഹാരമുണ്ട്. നിലവിലുള്ള ബാഹ്യ സ്റ്റോറേജ് ഉപകരണങ്ങൾ ഉപയോഗിച്ച് യാത്രാവേളകളിൽ വിനോദങ്ങൾ ആസ്വദിക്കാൻ സാധിക്കും.
ദീർഘദൂര യാത്രകളിൽ വിരസത ഒഴിവാക്കാൻ ഒരു യു.എസ്.ബി എക്സ്റ്റേണൽ സ്റ്റോറേജ് ഉപയോഗിക്കുന്നത് ഏറെ സഹായകരമാകും. ഇതിനായി ഫോണിലെ പ്രധാനപ്പെട്ട
ഫയലുകൾ ഡിലീറ്റ് ചെയ്യേണ്ടി വരുന്നില്ല. ഫ്ലൈറ്റുകളിലോ ട്രെയിനുകളിലോ റോഡ് മാർഗ്ഗമോ യാത്ര ചെയ്യുമ്പോൾ ഓൺലൈൻ സ്ട്രീമിംഗ് പലപ്പോഴും ബുദ്ധിമുട്ടാണ്.
ട്രെയിനുകളിലും വിമാനങ്ങളിലുമുള്ള വൈഫൈ സേവനങ്ങൾ പലപ്പോഴും അവതാളത്തിലാകാനും ഉയർന്ന നിരക്ക് ഈടാക്കാനും സാധ്യതയുണ്ട്. കൂടാതെ, സെൽ സർവീസ് മോശമായ സ്ഥലങ്ങളിൽ സ്ട്രീമിംഗ് ഫോണിന്റെ ബാറ്ററി വേഗത്തിൽ തീർന്നുപോകാൻ കാരണമാകും.
ഈ പ്രശ്നത്തിന് പരിഹാരമായി സ്മാർട്ട്‌ഫോണിന്റെ USB-C port പരമാവധി പ്രയോജനപ്പെടുത്താം. ഉപയോഗശൂന്യമായി കിടക്കുന്ന USB-C flash drives അല്ലെങ്കിൽ SSDs എന്നിവ ഇതിനായി ഉപയോഗിക്കാവുന്നതാണ്.
നിലവിൽ എസ്.എസ്.ഡി വില ഉയർന്നതാണെങ്കിലും SanDisk പോലുള്ള കമ്പനികൾ താരതമ്യേന കുറഞ്ഞ നിരക്കിൽ യു.എസ്.ബി ഫ്ലാഷ് ഡ്രൈവുകൾ ലഭ്യമാക്കുന്നുണ്ട്. 64 ജി.ബി മുതൽ 1 ടി.ബി വരെയുള്ള ഡ്രൈവുകൾ ലഭ്യമാണെങ്കിലും, 128 അല്ലെങ്കിൽ 256 ജി.ബി ശേഷിയുള്ളവ സിനിമകളും യൂട്യൂബ് വീഡിയോകളും 1080p നിലവാരത്തിലുള്ള ഒരു സീസൺ ടി.വി ഷോകളും സൂക്ഷിക്കാൻ ധാരാളമാണ്.
യാത്ര പുറപ്പെടുന്നതിന് മുൻപ് തന്നെ വിവിധ പ്ലാറ്റ്‌ഫോമുകളിൽ നിന്നുള്ള വീഡിയോ, ഓഡിയോ ഉള്ളടക്കങ്ങൾ ഫ്ലാഷ് ഡ്രൈവിലോ പോർട്ടബിൾ എസ്.എസ്.ഡിയിലോ സേവ് ചെയ്തു വെക്കുക. നെറ്റ്ഫ്ലിക്സ്, യൂട്യൂബ് തുടങ്ങിയ പ്ലാറ്റ്‌ഫോമുകളിൽ നിന്നോ അല്ലെങ്കിൽ സ്വന്തം ഡി.വി.ഡി കളക്ഷനിൽ നിന്നോ ഉള്ള ഫയലുകൾ നേരിട്ട് എക്സ്റ്റേണൽ ഡ്രൈവിലേക്ക് മാറ്റാവുന്നതാണ്.
പോർട്ടബിൾ എസ്.എസ്.ഡി ഇല്ലെങ്കിൽ, ഒരു വശത്ത് USB-A port ഉം മറുവശത്ത് USB-C port ഉം ഉള്ള ഡ്യുവൽ എൻഡഡ് ഫ്ലാഷ് ഡ്രൈവ് ഉപയോഗിക്കുന്നത് ഫോണിലും ലാപ്‌ടോപ്പിലും ഒരുപോലെ ഉപയോഗിക്കാൻ അനുയോജ്യമാണ്. ഫ്ലാഷ് ഡ്രൈവുകൾ അൺപ്ലഗ് ചെയ്യുന്നതിന് മുൻപ് അവ സുരക്ഷിതമായി ഇജക്റ്റ് ചെയ്യാൻ പ്രത്യേകം ശ്രദ്ധിക്കണം.
ഫയലുകൾ ശരിയായി പ്രവർത്തിക്കുന്നുണ്ടോ എന്ന് മുൻകൂട്ടി പരിശോധിക്കുന്നത് നന്ന്. മിക്ക ഫോർമാറ്റുകളെയും പിന്തുണയ്ക്കുന്നതും കുറഞ്ഞ ബാറ്ററി ഉപഭോഗമുള്ളതുമായ VLC പ്ലെയർ ഉപയോഗിക്കുന്നത് യാത്രാവേളകളിൽ കൂടുതൽ സൗകര്യപ്രദമായിരിക്കും.
കൂടാതെ, വലിയ ഫയലുകൾ കൈമാറുന്നതിനായി യു.എസ്.ബി ഡ്രൈവ് exFAT ഫോർമാറ്റിൽ സജ്ജീകരിക്കുന്നതാണ് ഏറ്റവും ഉചിതം. ദീർഘദൂര യാത്രകളിൽ ഫോൺ ചാർജ് ചെയ്യേണ്ടി വരുന്നത് സ്വാഭാവികമാണ്.
എന്നാൽ എക്സ്റ്റേണൽ സ്റ്റോറേജ് ഫോണിന്റെ യു.എസ്.ബി-സി പോർട്ട് ഉപയോഗിക്കുന്നതിനാൽ, സിനിമ കാണുന്നതിനൊപ്പം ഫോൺ ചാർജ് ചെയ്യാൻ മാഗ്നറ്റിക് പവർ ബാങ്ക് ഉപയോഗിക്കുന്നതാണ് നല്ലത്. UGREEN-ന്റെ MagFlow Pro wireless power bank പോലുള്ളവ ഫോൺ അമിതമായി ചൂടാകാതെ വേഗത്തിൽ ചാർജ് ചെയ്യാൻ സഹായിക്കും.
എൽ.ഇ.ഡി ടിവികളിലോ ലാപ്ടോപ്പുകളിലോ വലിയ സ്ക്രീനിൽ സിനിമകൾ ആസ്വദിക്കാൻ എച്ച്.ഡി.എം.ഐ അഡാപ്റ്ററുകൾ കൂടി ഉപയോഗിക്കാവുന്നതാണ്. പുതിയ ഫോൺ വാങ്ങാതെ തന്നെ കുറഞ്ഞ ചെലവിൽ യാത്രകൾ ആസ്വാദ്യകരമാക്കാൻ ഈ വിദ്യ ഏറെ സഹായകരമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
