പെരുമ്പാവൂർ മുടക്കുഴയിലെ പെട്ടമല പാറമടയിൽ പരസ്യ ചിത്രീകരണത്തിനെത്തിയ മോഡൽ വെള്ളത്തിൽ മുങ്ങി മരിച്ചു. ഡൽഹി അംബേദ്കർ നഗർ സ്വദേശിയായ ദിയാൻഷൂ ജോഷി (26) ആണ് ദാരുണമായി മരണപ്പെട്ടത്.
സംഭവം നടന്നത് ഇന്ന് ഉച്ചകഴിഞ്ഞ് രണ്ട് മണിയോടെയാണ്. ഡൽഹി ആസ്ഥാനമായി പ്രവർത്തിക്കുന്ന ഒരു വസ്ത്ര നിർമ്മാണ സ്ഥാപനത്തിന്റെ പരസ്യ ചിത്രീകരണവുമായി ബന്ധപ്പെട്ടാണ് സംഘം പെരുമ്പാവൂരിൽ എത്തിയത്.
ചിത്രീകരണത്തിനായുള്ള ലൊക്കേഷൻ പരിശോധിക്കുന്നതിനിടെ, സംഘത്തിലുണ്ടായിരുന്ന ദിയാൻഷൂ ജോഷി പാറമടയിലെ വെള്ളത്തിൽ നീന്താൻ ഇറങ്ങുകയായിരുന്നു. ഇതിനിടെയാണ് അപകടം സംഭവിച്ചത്.
വിവരമറിഞ്ഞ് സ്ഥലത്തെത്തിയവർ ഉടൻ തന്നെ നടപടികൾ സ്വീകരിച്ചെങ്കിലും ജീവൻ രക്ഷിക്കാനായില്ല. തുടർന്ന് മൃതദേഹം പോസ്റ്റ്മോർട്ടം നടപടികൾക്കായി പെരുമ്പാവൂർ താലൂക്ക് ആശുപത്രി മോർച്ചറിയിലേക്ക് മാറ്റി.
അപകടകരമായ സാഹചര്യമുള്ള ഈ പാറമടയിൽ മുൻപും സമാനമായ രീതിയിൽ യുവാക്കൾ മുങ്ങി മരിച്ച സംഭവങ്ങൾ ഉണ്ടായിട്ടുണ്ടെന്ന് നാട്ടുകാർ ചൂണ്ടിക്കാട്ടുന്നു. പോലീസ് സ്ഥലത്തെത്തി തുടർനടപടികൾ ആരംഭിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
