മുംബൈ: ശ്രീലങ്കയ്ക്കെതിരായ പരമ്പരയ്ക്കുള്ള ഇന്ത്യന് ക്രിക്കറ്റ് ടീമിന്റെ പ്രഖ്യാപനം നീളുന്നു. ടീമിലെ പ്രധാന താരങ്ങള്ക്കേറ്റ പരിക്കുകളാണ് സ്ക്വാഡ് രൂപീകരണം വൈകാൻ കാരണം.
അടുത്ത മാസം നാലിന് ശുഭ്മാന് ഗില്ലിന്റെ നേതൃത്വത്തിലുള്ള സംഘം ലങ്കയിലേക്ക് യാത്ര തിരിക്കാനാണ് നിലവില് തീരുമാനിച്ചിട്ടുള്ളത്. പരമ്പരയിലെ ആദ്യ ടെസ്റ്റിന് മുന്നോടിയായി ഗാലെയില് നാല് ദിവസത്തെ സന്നാഹ മത്സരത്തിലും ഇന്ത്യന് ടീം പങ്കെടുക്കുന്നുണ്ട്.
എങ്കിലും പ്രമുഖ താരങ്ങളുടെ ശാരീരികക്ഷമത സംബന്ധിച്ച ആശങ്കകള് ടീം മാനേജ്മെന്റിനെ വലയ്ക്കുകയാണ്. ഇംഗ്ലണ്ടിനെതിരായ ഏകദിന പരമ്പരയ്ക്കിടെ പരിക്കേറ്റ ഓള്റൗണ്ടര് വാഷിംഗ്ടണ് സുന്ദര് പരമ്പരയിലെ ആദ്യ ടെസ്റ്റില് നിന്ന് ഔദ്യോഗികമായി പുറത്തായി.
തുടര്ന്ന് ബെംഗളൂരുവിലെ ബിസിസിഐ സെന്റര് ഓഫ് എക്സലന്സില് അദ്ദേഹം റിഹാബിലിറ്റേഷന് വിധേയനാകും. രണ്ടാം ടെസ്റ്റില് അദ്ദേഹത്തിന്റെ പങ്കാളിത്തം ശാരീരികക്ഷമതയെ മാത്രം ആശ്രയിച്ചായിരിക്കും.
ജൂലൈ 30 വരെ വിശ്രമത്തില് തുടരുന്ന ജസ്പ്രീത് ബുംറ, അതിനുശേഷം സെന്റര് ഓഫ് എക്സലന്സില് റിപ്പോര്ട്ട് ചെയ്യും. പുതിയ മെഡിക്കല് പരിശോധനകളുടെ ഫലം വിലയിരുത്തിയ ശേഷമായിരിക്കും പരമ്പരയിലെ അദ്ദേഹത്തിന്റെ ലഭ്യതയില് അന്തിമ തീരുമാനമെടുക്കുക.
പരിക്കില് നിന്ന് പൂര്ണ്ണമുക്തി നേടിക്കൊണ്ടിരിക്കുന്ന യുവ ബാറ്റ്സ്മാന് സായി സുദര്ശന് ഇതുവരെ ഫിറ്റ്നസ് ക്ലിയറന്സ് ലഭിച്ചിട്ടില്ല. സെലക്ടര്മാര് അദ്ദേഹത്തിന്റെ കാര്യത്തില് പിന്നീട് അന്തിമ തീരുമാനമെടുക്കും.
ഇതിനിടെ ഹര്ഷിത് റാണയെ സെലക്ഷനില് നിന്ന് ഒഴിവാക്കിയിട്ടുണ്ട്. കൂടാതെ നിതീഷ് കുമാര് റെഡ്ഡിക്ക് പരമ്പരയുടെ ആദ്യ ഘട്ടം നഷ്ടമാകും.
ശ്രീലങ്കന് പിച്ചുകളില് ഇന്ത്യക്ക് നിര്ണായകമായേക്കാവുന്ന വാഷിംഗ്ടണ് സുന്ദറിന്റെയും ജസ്പ്രീത് ബുംറയുടെയും അസാന്നിധ്യം ടീമിന്റെ സന്തുലിതാവസ്ഥയെ ബാധിച്ചേക്കാം. വരും ദിവസങ്ങളില് ലഭിക്കുന്ന മെഡിക്കല് റിപ്പോര്ട്ടുകള് കൂടി പരിശോധിച്ച ശേഷമായിരിക്കും സെലക്ടര്മാര് അന്തിമ സ്ക്വാഡ് പ്രഖ്യാപനം നടത്തുക.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
