ജാതി അധിഷ്ഠിത സംവരണ സമ്പ്രദായം പൂർണ്ണമായും നിർത്തലാക്കണമെന്നും, സാമ്പത്തിക മാനദണ്ഡങ്ങൾ മാത്രം മുൻനിർത്തി സംവരണം നടപ്പിലാക്കണമെന്നും ആവശ്യപ്പെട്ടുകൊണ്ട് രാജ്യതലസ്ഥാനത്ത് പ്രതിഷേധം അരങ്ങേറി. ദില്ലിയിലെ ജന്തർ മന്തർ വേദിയായി നടന്ന ഈ സമരത്തിന് റിസർവേഷൻ ഹട്ടാവോ ആന്ദോളൻ ആണ് നേതൃത്വം നൽകിയത്.
പ്രാരംഭ ഘട്ടത്തിൽ സമരത്തിന് അധികൃതർ അനുമതി നിഷേധിച്ചിരുന്നുവെങ്കിലും, പിന്നീട് വൈകുന്നേരം 4 മണി വരെ പരമാവധി 500 പേർക്ക് മാത്രം പങ്കെടുക്കാനായി അനുമതി നൽകുകയായിരുന്നു. എന്നാൽ അനുവദിക്കപ്പെട്ട
സമയപരിധി കഴിഞ്ഞിട്ടും പ്രക്ഷോഭകർ സമരവേദിയിൽ തന്നെ തുടരുകയുണ്ടായി. ഇതേത്തുടർന്ന് സ്ഥലത്ത് എത്തിയ പൊലീസ് ബലപ്രയോഗത്തിലൂടെ പ്രവർത്തകരെ നീക്കം ചെയ്യുകയായിരുന്നു.
സമൂഹമാധ്യമമായ ഇൻസ്റ്റാഗ്രാമിൽ പ്രവർത്തിക്കുന്ന ‘റിസർവേഷൻ ഹട്ടാവോ ആന്ദോളൻ’ എന്ന ഔദ്യോഗിക പേജിലൂടെ വന്ന ആഹ്വാനത്തെ തുടർന്നാണ് രാജ്യത്തിൻ്റെ വിവിധ ഭാഗങ്ങളിൽ നിന്നുള്ളവർ സമരത്തിനായി എത്തിയത്. ഈ പ്രതിഷേധ പ്രകടനങ്ങളുടെ പശ്ചാത്തലത്തിൽ ജന്തർ മന്ദറിലും പരിസര പ്രദേശങ്ങളിലും ദില്ലി പൊലീസിന്റെ നേതൃത്വത്തിൽ സുരക്ഷാ ക്രമീകരണങ്ങൾ ശക്തമാക്കിയിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
