പ്രമുഖ സാങ്കേതിക വിദ്യാലയമായ ഗൂഗിൾ തങ്ങളുടെ ഏറ്റവും പുതിയ ഓപ്പറേറ്റിംഗ് സിസ്റ്റം അപ്ഡേറ്റായ ആൻഡ്രോയിഡ് 17 പിക്സൽ സ്മാർട്ട്ഫോണുകളിലേക്ക് ലഭ്യമാക്കിത്തുടങ്ങി. ജൂൺ മാസം നടന്ന ഗൂഗിൾ ഐ/ഒ ഡെവലപ്പർ കോൺഫറൻസിലും ആൻഡ്രോയിഡ് ഷോയിലും വെച്ച് ഈ അപ്ഡേറ്റിന്റെ പ്രാഥമിക വിവരങ്ങൾ കമ്പനി പങ്കുവെച്ചിരുന്നു.
ജൂൺ 16 മുതൽ പിക്സൽ ഫോണുകളിൽ അപ്ഡേറ്റ് ലഭിക്കുമെന്ന് കമ്പനി അറിയിച്ചിട്ടുണ്ട്. 2026 വർഷം മുഴുവനായി ഘട്ടംഘട്ടമായാകും ഈ അപ്ഡേറ്റ് പുറത്തിറക്കുക.
പ്രധാന സവിശേഷതകൾ മൾട്ടിടാസ്കിംഗിനെ കൂടുതൽ കാര്യക്ഷമമാക്കുന്ന ബബിൾസ് (Bubbles) ആണ് ആൻഡ്രോയിഡ് 17-ലെ പ്രധാന ആകർഷണം. വിവിധ ടാസ്കുകൾക്കിടയിൽ എളുപ്പത്തിൽ മാറാൻ സഹായിക്കുന്ന ഫ്ലോട്ടിംഗ് വിൻഡോകളാണിത്.
മടക്കാവുന്ന ഫോണുകളിൽ (foldables) ഇതിന്റെ വലിപ്പം ക്രമീകരിക്കാനും പൂർണ്ണരൂപത്തിലാക്കാനും സാധിക്കും. ഗെയിമിംഗ് പ്രേമികൾക്കായി പ്രത്യേക ഗെയിമിംഗ് മോഡ് അവതരിപ്പിച്ചിട്ടുണ്ട്.
ഫോൾഡബിൾ ഫോണുകൾ പകുതി മടക്കി വെക്കുമ്പോൾ സ്ക്രീനിന്റെ മുകൾ ഭാഗത്ത് ഗെയിമും താഴെ ഭാഗത്ത് ഗെയിംപാഡ് നിയന്ത്രണങ്ങളും തെളിയും. ഇത് ഉപയോക്താക്കൾക്ക് കൂടുതൽ മികച്ച അനുഭവം നൽകുന്നു.
റിയാക്ഷൻ വീഡിയോകൾ റെക്കോർഡ് ചെയ്യുന്നവർക്ക് ഏറെ സഹായകമാകുന്നതാണ് സ്ക്രീൻ റിയാക്ഷൻസ് ഫീച്ചർ. ഗ്രീൻ സ്ക്രീനുകളുടെയോ സങ്കീർണ്ണമായ എഡിറ്റിംഗിന്റെയോ സഹായമില്ലാതെ സെൽഫി ക്യാമറ ഉപയോഗിച്ച് സ്ക്രീൻ റെക്കോർഡിംഗിനൊപ്പം തത്സമയം റിയാക്ഷൻ വീഡിയോകൾ ചിത്രീകരിക്കാൻ ഇതിലൂടെ സാധിക്കും.
സുരക്ഷാ സംവിധാനങ്ങൾ സുരക്ഷയ്ക്ക് വലിയ പ്രാധാന്യമാണ് പുതിയ അപ്ഡേറ്റിൽ നൽകിയിരിക്കുന്നത്. ഫോൺ നഷ്ടപ്പെട്ടാൽ ബയോമെട്രിക് സംവിധാനം ഉപയോഗിച്ച് ലോക്ക് ചെയ്യാൻ കഴിയുന്ന Mark as Lost ഫീച്ചർ ഫൈൻഡ് ഹബ്ബിൽ ഉൾപ്പെടുത്തിയിട്ടുണ്ട്.
കൂടാതെ പിൻ (PIN) തെറ്റായി നൽകിയാൽ ലോക്ക് ആകുന്ന സമയപരിധി വർധിപ്പിക്കുകയും സംശയാസ്പദമായ ആപ്പുകളെ തടയാൻ Live Threat Detection സംവിധാനവും ശക്തമാക്കിയിട്ടുണ്ട്. ലഭ്യത പിക്സൽ 6 മുതൽ പിക്സൽ 10 വരെയുള്ള സീരീസുകളിലും പിക്സൽ ടാബ്ലെറ്റിലും ആൻഡ്രോയിഡ് 17 ലഭ്യമാകും.
മറ്റ് നിർമ്മാതാക്കൾ അവരുടെ ഫോണുകളിലേക്കുള്ള അപ്ഡേറ്റ് തീയതികൾ പിന്നീട് പ്രഖ്യാപിക്കുന്നതാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
