പ്രതിപക്ഷ ഉപനേതൃസ്ഥാനം സംബന്ധിച്ച തർക്കങ്ങൾക്ക് പരിഹാരം കാണുന്നതിനായി സിപിഐഎം നേതൃത്വവും സിപിഐ പ്രതിനിധികളും തമ്മിലുള്ള നിർണ്ണായക ചർച്ച നാളെ നടക്കും. വിഷയത്തിൽ തങ്ങളുടെ നിലപാടിൽ ഉറച്ചുനിൽക്കുകയാണ് സിപിഐ.
ഉപനേതൃസ്ഥാനം വേണമെന്ന ആവശ്യത്തിൽ നിന്ന് പിന്നോട്ടില്ലെന്ന് പാർട്ടി നേതൃത്വം ആവർത്തിച്ച് വ്യക്തമാക്കി. സംസ്ഥാനത്തെ രാഷ്ട്രീയ സാഹചര്യത്തിൽ ഇരു പാർട്ടികളും തമ്മിലുള്ള ചർച്ചയെ ശുഭാപ്തിവിശ്വാസത്തോടെയാണ് കാണുന്നതെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പ്രതികരിച്ചു.
മുന്നണി പ്രവർത്തനങ്ങളെയും പ്രതിപക്ഷ ഐക്യത്തെയും ബാധിക്കുന്ന രീതിയിൽ വിഷയം തുടരുന്നത് ഒഴിവാക്കാൻ ഇരുപാർട്ടികളും ആഗ്രഹിക്കുന്നുണ്ട്. ഈ പദവി വിട്ടുകൊടുക്കാതെ തന്നെ സിപിഐയെ അനുനയിപ്പിക്കാനാണ് സിപിഐഎം ശ്രമിക്കുന്നത്.
മുന്നണിയുടെ പ്രവർത്തനം തടസ്സപ്പെടുത്തുന്ന തരത്തിൽ വിഷയങ്ങൾ വളരുന്നത് ശ്രദ്ധയിൽപ്പെട്ടതോടെയാണ് പരിഹാര ചർച്ചകൾക്കായി സിപിഐഎം മുൻകൈ എടുത്തത്. സിപിഐ ആസ്ഥാനത്ത് വെച്ച് നടക്കുന്ന ചർച്ചയിലൂടെ തർക്കങ്ങൾക്ക് അന്ത്യമുണ്ടാകുമെന്ന പ്രതീക്ഷയിലാണ് മുന്നണി നേതൃത്വം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
