കോട്ടയം: മറിയപ്പള്ളി കവലയ്ക്ക് സമീപം ഉണ്ടായ വാഹനാപകടത്തിൽ സ്കൂട്ടർ യാത്രികനായ വയോധികൻ ദാരുണമായി അന്ത്യം സംഭവിച്ചു. കുഞ്ഞുമോൻ (70) ആണ് അപകടത്തിൽ മരണപ്പെട്ടത്.
മറിയപ്പള്ളിയിൽനിന്നും കോട്ടയത്തേക്ക് സ്കൂട്ടറിൽ യാത്ര ചെയ്യുകയായിരുന്നു കുഞ്ഞുമോൻ. ഇതിനിടയിൽ റോഡിലെ വളവിൽവച്ച് ഇദ്ദേഹത്തിന് പിന്നാലെ വന്ന ലോറി മറ്റൊരു വാഹനത്തെ മറികടക്കാൻ ശ്രമിക്കുന്നതിനിടയിൽ കുഞ്ഞുമോൻ സഞ്ചരിച്ചിരുന്ന സ്കൂട്ടറിൽ ഇടിക്കുകയായിരുന്നു.
ഇടിയുടെ ആഘാതത്തിൽ റോഡിലേക്ക് തെറിച്ചുവീണ കുഞ്ഞുമോന്റെ തലയിലൂടെ ലോറിയുടെ ടയർ കയറിയിറങ്ങിയാണ് മരണം സംഭവിച്ചതെന്ന് നാട്ടുകാർ വ്യക്തമാക്കുന്നു. കുഞ്ഞുമോൻ റോഡിന്റെ അരികിലൂടെയാണ് വാഹനം ഓടിച്ചിരുന്നതെന്നും ലോറി ഡ്രൈവറുടെ ഗുരുതരമായ അശ്രദ്ധയാണ് ഈ അപകടത്തിന് കാരണമെന്നും നാട്ടുകാർ ആരോപണം ഉന്നയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
