കാറുകളിലെ ഇൻഫോടെയ്ൻമെന്റ് സിസ്റ്റങ്ങളിൽ വീഡിയോ സ്ട്രീമിംഗ് സേവനങ്ങൾ ആസ്വദിക്കാൻ പുതിയ വഴികൾ തേടുന്നവർക്കായി പുതിയൊരു ആപ്ലിക്കേഷൻ എത്തിയിരിക്കുന്നു. ആൻഡ്രോയിഡ് ഓട്ടോയിൽ (Android Auto) നെറ്റ്ഫ്ലിക്സ് (Netflix) ഉൾപ്പെടെയുള്ള വീഡിയോ പ്ലാറ്റ്‌ഫോമുകൾ ലഭ്യമാക്കുമെന്ന് അവകാശപ്പെടുന്ന പുതിയ ആപ്ലിക്കേഷനാണ് ഇപ്പോൾ വികസിപ്പിച്ചെടുത്തിരിക്കുന്നത്.
Velvet Launcher എന്ന് പേരിട്ടിരിക്കുന്ന ഈ ആപ്പ് നിലവിൽ അതിന്റെ പ്രാരംഭ ഘട്ടത്തിലാണ് ഉള്ളത്. ഗൂഗിളിന്റെ കർശനമായ സുരക്ഷാ നിയന്ത്രണങ്ങളെ മറികടന്നാണ് ഈ ആപ്ലിക്കേഷൻ പ്രവർത്തിക്കുന്നത്.
സാധാരണയായി മ്യൂസിക്, പോഡ്‌കാസ്റ്റ് തുടങ്ങിയ ഓഡിയോ സേവനങ്ങൾ മാത്രമാണ് ആൻഡ്രോയിഡ് ഓട്ടോയിൽ ലഭ്യമാക്കിയിട്ടുള്ളത്. എന്നാൽ ഈ പുതിയ ആപ്പ് വഴി ഉപയോക്താക്കൾക്ക് ക്രോം ബ്രൗസറിന് സമാനമായ ഇന്റർഫേസ് ഉപയോഗിച്ച് നെറ്റ്ഫ്ലിക്സ് അടക്കമുള്ള സ്ട്രീമിംഗ് സേവനങ്ങൾ ആക്‌സസ് ചെയ്യാൻ കഴിയുമെന്നാണ് ഡെവലപ്പർ വ്യക്തമാക്കുന്നത്.
ഗിറ്റ്ഹബ്ബ് (GitHub) വഴി ലഭ്യമാക്കിയിട്ടുള്ള ഈ ആപ്ലിക്കേഷൻ ഡെവലപ്പ് ചെയ്തിരിക്കുന്നത് malebuffy ആണ്. ഡെവലപ്പറുടെ വിവരങ്ങൾ അനുസരിച്ച്, ഡെസ്ക്ടോപ്പ് പതിപ്പിന് സമാനമായ രീതിയിലാണ് ഈ ആപ്പ് പ്രവർത്തിക്കുന്നത്.
ആപ്പ് തുറന്ന് ലോഗിൻ ചെയ്താൽ കമ്പ്യൂട്ടറുകളിലേതു പോലെ വീഡിയോകൾ കാണാൻ സാധിക്കുമെന്നാണ് അവകാശപ്പെടുന്നത്. എങ്കിലും, ഈ ആപ്ലിക്കേഷൻ ആൻഡ്രോയിഡ് ഓട്ടോയിൽ ഇൻസ്റ്റാൾ ചെയ്യുക എന്നത് അത്ര എളുപ്പമുള്ള കാര്യമല്ല.
ആപ്പ് ഡൗൺലോഡ് ചെയ്ത് AAenabler അല്ലെങ്കിൽ Kinginstaller പോലുള്ള സേവനങ്ങൾ ഉപയോഗിച്ച് ഇൻസ്റ്റാൾ ചെയ്യേണ്ടതുണ്ട്. കൂടാതെ ആൻഡ്രോയിഡ് ഓട്ടോയുടെ ഡെവലപ്പർ മോഡ് പ്രവർത്തനക്ഷമമാക്കുകയും വേണം.
ആപ്പിന്റെ പരിധിയില്ലാത്ത ഉപയോഗത്തിനായി ഡെവലപ്പർ സംഭാവനകൾ തേടുന്നുണ്ടെങ്കിലും, ഉപയോക്താക്കൾക്കായി നിലവിൽ 20 മിനിറ്റ് സൗജന്യ ട്രയൽ ലഭ്യമാക്കിയിട്ടുണ്ട്. ഇൻസ്റ്റാളേഷനിൽ ബുദ്ധിമുട്ട് നേരിടുന്നവർക്കായി ബീറ്റാ ആക്സസിനുള്ള രജിസ്‌ട്രേഷനും ഒരുക്കിയിട്ടുണ്ട്.
യാത്രവേളകളിൽ വാഹനമോടിക്കുമ്പോൾ ഇത്തരം വിനോദപാഠങ്ങൾ ഉപയോഗിക്കുന്നത് റോഡപകടങ്ങൾക്ക് കാരണമായേക്കാമെന്നതിനാൽ ഗൂഗിൾ ഇത്തരം വീഡിയോ സേവനങ്ങൾ കാറുകളിൽ കർശനമായി നിയന്ത്രിച്ചിരിക്കുകയാണ്. അതിനാൽ സാങ്കേതിക മുന്നേറ്റങ്ങളുടെ ഭാഗമായി ഇത്തരം ആപ്പുകൾ പുറത്തിറങ്ങുന്നുണ്ടെങ്കിലും സുരക്ഷാ മുൻകരുതലുകൾ പാലിക്കേണ്ടത് അത്യാവശ്യമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
