തിരുവനന്തപുരം: മുഖ്യമന്ത്രി വി ഡി സതീശൻ ഹെലികോപ്റ്റർ ഉപയോഗിച്ചതുമായി ബന്ധപ്പെട്ട് പുതിയ രാഷ്ട്രീയ വിവാദത്തിന് തിരിതെളിഞ്ഞിരിക്കുന്നു. ഇന്നലെ കൊച്ചിയിലേക്ക് നടത്തിയ യാത്ര സ്വകാര്യ ആവശ്യത്തിന് വേണ്ടിയാണെന്ന ആക്ഷേപവുമായി ഇടത് നേതാക്കൾ രംഗത്തെത്തി.
കാലത്തിനനുസരിച്ചുള്ള മാറ്റങ്ങൾ അനിവാര്യമാണെന്നാണ് മന്ത്രി കെ മുരളീധരൻ ഈ വിഷയത്തിൽ പ്രതികരിച്ചത്. അതേസമയം, അടിസ്ഥാനരഹിതമായ വിമർശനങ്ങൾക്ക് പകരം ഗൗരവകരമായ രാഷ്ട്രീയ സംവാദത്തിന് തയ്യാറുണ്ടോ എന്ന് ചോദിച്ച് വി ടി ബൽറാം വെല്ലുവിളി മുഴക്കുകയും ചെയ്തു.
മുൻപ് സമാനമായ രീതിയിൽ മുഖ്യമന്ത്രി പിണറായി വിജയന്റെ ഹെലികോപ്റ്റർ യാത്രകളെ യുഡിഎഫ് വിമർശിച്ചിരുന്നതിനെ ചൂണ്ടിക്കാണിച്ചാണ് ഭരണപക്ഷത്തിന്റെ ട്രോളുകൾ. മുൻ മന്ത്രി വി ശിവൻകുട്ടിയാണ് പരിഹാസവുമായി ആദ്യം രംഗത്തെത്തിയത്.
ഇന്നലെ രാവിലെ തിരുവനന്തപുരത്തു നിന്നും പുറപ്പെട്ട ഹെലികോപ്റ്റർ കൊച്ചിയിൽ എത്തിയെങ്കിലും മോശം കാലാവസ്ഥയെ തുടർന്ന് തിരികെ പോവുകയായിരുന്നു.
തുടർന്ന് ഉച്ചയ്ക്ക് 1.30 മണിയോടെ വീണ്ടും കൊച്ചിയിൽ ലാൻഡ് ചെയ്യുകയായിരുന്നു. ഔദ്യോഗിക പരിപാടികൾക്കല്ല, മറിച്ച് ഭാര്യപിതാവിനെ സന്ദർശിക്കാനാണ് ഈ അത്യാഹിത യാത്രയെന്നാണ് ഇടത് കേന്ദ്രങ്ങളുടെ പ്രധാന വിമർശനം.
തിരഞ്ഞെടുപ്പ് കാലത്തെ മംഗലാപുരം യാത്രയ്ക്ക് ശേഷം ഉണ്ടായ ഈ കൊച്ചി യാത്രയും വലിയ ചർച്ചയായിരിക്കുകയാണ്. എന്നാൽ, വെറും ട്രോളുകൾക്ക് മറുപടി നൽകുന്നില്ലെന്നും മറിച്ച് ഉത്തരവാദിത്തബോധത്തോടെയുള്ള വിമർശനങ്ങളാണ് പ്രതിപക്ഷത്ത് നിന്ന് വരേണ്ടതെന്നും തൃത്താല എംഎൽഎ വി ടി ബൽറാം ഫേസ്ബുക്ക് കുറിപ്പിൽ വ്യക്തമാക്കി.
ഔദ്യോഗിക ആവശ്യങ്ങൾക്കും പ്രളയ ദുരിതാശ്വാസ പ്രവർത്തനങ്ങൾക്കും ഹൃദയമാറ്റ ശസ്ത്രക്രിയകൾക്കും അന്ന് എൽഡിഎഫ് സർക്കാർ ഉപയോഗിച്ച സംവിധാനങ്ങളെ ഇപ്പോൾ യുഡിഎഫ് ദുരുപയോഗം ചെയ്യുകയാണെന്നാണ് ഇടത് പക്ഷത്തിന്റെ ആരോപണം. വിവാദങ്ങൾ ശക്തമായി തുടരുമ്പോഴും മുഖ്യമന്ത്രി ഇതുവരെ ഔദ്യോഗികമായി പ്രതികരിച്ചിട്ടില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
