സംസ്ഥാന സർക്കാരിന്റെ ഭരണകാലാവധി അവസാനിച്ചതോടെ, എട്ടു വർഷമായി നീട്ടിവളർത്തിയിരുന്ന താടിയും മുടിയും മുറിച്ച് അയ്യപ്പഭക്തനായ കെ.കെ. പ്രദീപ് (40) തന്റെ പ്രതിജ്ഞ പൂർത്തിയാക്കി.
തൊടുപുഴ നെയ്യശ്ശേരി കാഞ്ഞിരക്കുഴി സ്വദേശിയാണ് ഇദ്ദേഹം. 2018-ൽ ശബരിമല സ്ത്രീ പ്രവേശനവുമായി ബന്ധപ്പെട്ട
വിധി പുറത്തുവന്ന പശ്ചാത്തലത്തിലാണ്, നിലവിലെ സർക്കാർ ഭരണത്തിൽ നിന്ന് മാറും വരെ മുടിയും താടിയും വെട്ടില്ലെന്ന് പ്രദീപ് പ്രതിജ്ഞയെടുത്തത്. ഇതിന്റെ ഭാഗമായി എട്ടു വർഷത്തോളം നീണ്ട
കഠിനമായ വ്രതാനുഷ്ഠാനത്തിലായിരുന്നു അദ്ദേഹം. അയ്യപ്പഭക്തരുടെ ഐക്യം മുൻനിർത്തി, മൂന്നു വർഷത്തോളം ഓട്ടോറിക്ഷയിൽ കേരളത്തിലുടനീളം സഞ്ചരിച്ച് വിവിധ ബോധവൽക്കരണ പ്രവർത്തനങ്ങളിലും പ്രദീപ് സജീവമായിരുന്നു.
തന്റെ പ്രതിജ്ഞ പൂർത്തിയായതിന്റെ ഭാഗമായി ഇന്നലെ താടിയുടെയും മുടിയുടെയും അറ്റം പ്രദീപ് മുറിച്ചു. ഈ ദൃശ്യങ്ങൾ അദ്ദേഹം തന്റെ ഫെയ്സ്ബുക്ക് പേജിലൂടെ പങ്കുവെച്ചിട്ടുണ്ട്.
തുടർന്ന് നാട്ടുകാർക്കായി പായസം വിതരണം ചെയ്തും അദ്ദേഹം സന്തോഷം പങ്കുവെച്ചു. എറണാകുളത്തെ സ്വകാര്യ സ്ഥാപനത്തിൽ അക്കൗണ്ടന്റായി ജോലി ചെയ്തിരുന്ന പ്രദീപ്, പിതാവിന്റെ ആരോഗ്യനില മോശമായതിനെത്തുടർന്നാണ് ജോലി ഉപേക്ഷിച്ച് നാട്ടിലേക്ക് മടങ്ങിയത്.
നിലവിൽ ഓൺലൈനായി തന്റെ ഔദ്യോഗിക കൃത്യങ്ങൾ തുടരാനാണ് അദ്ദേഹത്തിന്റെ തീരുമാനം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
