വിരമിക്കലിന് ശേഷം സാമ്പത്തിക ഭദ്രത ഉറപ്പാക്കാൻ ശ്രദ്ധിക്കേണ്ട കാര്യങ്ങൾ

ജീവിതത്തിന്റെ വലിയൊരു പങ്കും കുടുംബത്തിന്റെ സുരക്ഷയ്ക്കും മക്കളുടെ ഭാവിക്കുമായി മാറ്റിവെച്ച ശേഷം വിശ്രമജീവിതത്തിലേക്ക് കടക്കുന്നവർ നേരിടുന്ന ഏറ്റവും വലിയ വെല്ലുവിളി സമ്പാദ്യത്തിന്റെ സുരക്ഷിതത്വമാണ്. ‘ഇതുവരെയുള്ള സമ്പാദ്യം എന്നെ സംരക്ഷിക്കുമോ, അതോ ഞാൻ അതിനെ സംരക്ഷിക്കേണ്ടി വരുമോ?’ എന്ന ചോദ്യം പലരെയും ആശങ്കപ്പെടുത്തുന്നു.

നിലവിലെ ബാങ്ക് പലിശ നിരക്കുകളും വർധിച്ചുവരുന്ന പണപ്പെരുപ്പവും കണക്കിലെടുക്കുമ്പോൾ നിക്ഷേപ രീതികളിൽ കാലികമായ മാറ്റങ്ങൾ അനിവാര്യമാണ്. പണപ്പെരുപ്പത്തിന്റെ സ്വാധീനം നിക്ഷേപങ്ങൾ കൈകാര്യം ചെയ്യുമ്പോൾ മുതിർന്ന പൗരന്മാർ നേരിടുന്ന പ്രധാന വെല്ലുവിളി പണപ്പെരുപ്പമാണ്.

ഉദാഹരണത്തിന്, പണപ്പെരുപ്പം 6% ആണെന്ന് കരുതുക. നിങ്ങളുടെ ബാങ്ക് എഫ്ഡി പലിശ 7% ആണെങ്കിൽ, നികുതിയും കഴിഞ്ഞ് കയ്യിൽ കിട്ടുന്ന യഥാർഥ ലാഭം വെറും 5.6% മാത്രമായിരിക്കും.

ഇത്തരത്തിൽ ബാങ്കിൽ നിക്ഷേപിക്കുന്ന പണം പരോക്ഷമായി ഓരോ വർഷവും കുറഞ്ഞുകൊണ്ടിരിക്കുകയാണ്. ബുദ്ധിപൂർവമായ നിക്ഷേപം ഓഹരി വിപണി എന്നത് ചൂതാട്ടമാണെന്ന തെറ്റിദ്ധാരണ വെടിഞ്ഞ് സുരക്ഷിതമായ മാർഗങ്ങൾ തിരഞ്ഞെടുക്കാം.

* എസ്‌ഡബ്ല്യുപി (SWP): മ്യൂച്വൽ ഫണ്ടുകളിലെ സിസ്റ്റമാറ്റിക് വിത്ത്ഡ്രോവൽ പ്ലാൻ മുതിർന്നവർക്ക് ഏറെ അനുയോജ്യമാണ്. ഉദാഹരണത്തിന്, ഒരാൾ 20 ലക്ഷം രൂപ ഒരു ഹൈബ്രിഡ് ഫണ്ടിൽ നിക്ഷേപിക്കുന്നു.

ഇതിൽ നിന്ന് മാസംതോറും 15,000 രൂപ വീതം പിൻവലിക്കാൻ തീരുമാനിച്ചാൽ, ബാങ്ക് പലിശയെക്കാൾ മികച്ച ആദായം ലഭിക്കുമെന്ന് മാത്രമല്ല, ബാക്കി തുക വളരുകയും ചെയ്യും.
* ബ്ലൂചിപ്പ് ഓഹരികൾ: വൻകിട കമ്പനികളിൽ നിക്ഷേപിക്കുന്നത് വഴി സ്ഥിരമായി ലാഭവിഹിതം (ഡിവിഡന്റ്) നേടാം.

ഇത് സമ്പാദ്യത്തിന്റെ അധിക വരുമാനമായി കണക്കാക്കാം. ശ്രദ്ധിക്കേണ്ട

വീഴ്ചകൾ 1. അമിത വിശ്വാസം വേണ്ട: കുറഞ്ഞ കാലം കൊണ്ട് പണം ഇരട്ടിയാക്കാം എന്ന് വാഗ്ദാനം നൽകുന്ന സ്വകാര്യ ഫിനാൻസുകളെയും വ്യാജ ആപ്പുകളെയും തിരിച്ചറിയുക.

സെബി അംഗീകൃത സ്ഥാപനങ്ങൾ മാത്രം തിരഞ്ഞെടുക്കുക.
2. ലിക്വിഡിറ്റി ഉറപ്പാക്കുക: മുഴുവൻ പണവും ഭൂമിയിലോ സ്വർണത്തിലോ നിക്ഷേപിക്കരുത്.

അത്യാവശ്യഘട്ടങ്ങളിൽ പെട്ടെന്ന് പണം ലഭിക്കാൻ സഹായിക്കുന്ന ‘ലിക്വിഡ്’ ഫണ്ടുകളിൽ കരുതൽ ധനം ഉണ്ടായിരിക്കണം.
3. വൈവിധ്യവൽക്കരണം: എല്ലാ നിക്ഷേപങ്ങളും ഒരേ ബാങ്കിലോ സ്കീമിലോ നിക്ഷേപിക്കുന്നത് അപകടകരമാണ്.
4.

രേഖകൾ കൃത്യമാക്കുക: പലിശ വരുമാനത്തിന്മേൽ ടിഡിഎസ് ഒഴിവാക്കാൻ 15ജി / 15എച്ച് ഫോമുകൾ യഥാസമയം സമർപ്പിക്കുക. നിക്ഷേപം തുടങ്ങുമ്പോൾ തന്നെ നോമിനിയെ ചേർക്കുന്നത് നിയമക്കുരുക്കുകൾ ഒഴിവാക്കാൻ അത്യന്താപേക്ഷിതമാണ്.

ഡിജിറ്റൽ സുരക്ഷാ മുൻകരുതലുകൾ * അപരിചിതമായ ആപ്പുകൾ ഇൻസ്റ്റാൾ ചെയ്യരുത്. സ്ക്രീൻ ഷെയറിങ് ആപ്പുകൾ ഡൗൺലോഡ് ചെയ്യാൻ പ്രേരിപ്പിക്കുന്ന ഫോൺ കോളുകൾക്കെതിരെ ജാഗ്രത പാലിക്കുക.
* ഇന്റർനാഷനൽ വാട്സാപ് കോളുകളിൽ വരുന്ന തട്ടിപ്പുകൾ തിരിച്ചറിയുക.

ബാങ്കുകൾ ഒരിക്കലും വാട്സാപ് വഴി വ്യക്തിഗത വിവരങ്ങൾ ചോദിക്കില്ല.
* സോഷ്യൽ മീഡിയയിലെ ഉയർന്ന ലാഭം വാഗ്ദാനം ചെയ്യുന്ന പരസ്യങ്ങളിൽ ക്ലിക്ക് ചെയ്യരുത്.
* ആധാർ വിവരങ്ങൾ ബയോമെട്രിക് / എം -ആധാർ ആപ്പ് വഴി ലോക്ക് ചെയ്യുക.
* ബാങ്ക് കസ്റ്റമർ കെയർ നമ്പറുകൾ ഔദ്യോഗിക വെബ്സൈറ്റിൽ നിന്നും പാസ്ബുക്കിൽ നിന്നും മാത്രം കണ്ടെത്തുക.
* സാമ്പത്തിക തട്ടിപ്പിനിരയായാൽ 1930 എന്ന നമ്പറിലോ www.cybercrime.gov.in എന്ന പോർട്ടലിലോ ഉടൻ പരാതി നൽകുക. തട്ടിപ്പിന് ശേഷമുള്ള ആദ്യ ഒരു മണിക്കൂർ (ഗോൾഡൻ അവർ) വളരെ നിർണായകമാണ്.

(ശ്രദ്ധിക്കുക: ഈ ലേഖനം അവബോധത്തിന് വേണ്ടി മാത്രമുള്ളതാണ്. നിക്ഷേപ തീരുമാനങ്ങൾ എടുക്കുന്നതിന് മുൻപ് സാമ്പത്തിക വിദഗ്ധരുടെ ഉപദേശം തേടുക.) വിവരങ്ങൾക്ക് കടപ്പാട്: പി.

അനിൽകുമാർ, ഡപ്യൂട്ടി സെക്രട്ടറി, ധനകാര്യ വകുപ്പ്.