രാജസ്ഥാനിലെ ജയ്പുർ ജില്ലയിലെ മുണ്ട്വ മുനിസിപ്പാലിറ്റിയിൽ അരങ്ങേറിയ തിരഞ്ഞെടുപ്പിൽ ബിജെപിക്ക് അപ്രതീക്ഷിതവും നാണക്കേടുമുണ്ടാക്കുന്നതുമായ അനുഭവം. ഏറ്റവും വലിയ ഒറ്റക്കക്ഷിയായി മാറി വിജയം ഉറപ്പച്ച പാർട്ടിക്ക് എന്നാൽ ചെയർപഴ്സൻ സ്ഥാനത്തേക്ക് മത്സരിച്ച ഔദ്യോഗിക സ്ഥാനാർത്ഥിക്ക് ലഭിച്ചത് ഒരൊറ്റ വോട്ട് പോലും കിട്ടാതെ പൂജ്യം വോട്ടുകൾ.
ആകെയുള്ള 25 കൗൺസിലർമാരിൽ 10 പേരും ബിജെപി ടിക്കറ്റിൽ വിജയിച്ചവരാണ്. എന്നിട്ടും പാർട്ടിയുടെ ഔദ്യോഗിക സ്ഥാനാർത്ഥിയായ ഗീതാ ദേവിക്ക് തിരഞ്ഞെടുപ്പിൽ ഒരു വോട്ട് പോലും നേടാൻ സാധിച്ചില്ല എന്നത് രാഷ്ട്രീയ കേന്ദ്രങ്ങളെ ഞെട്ടിച്ചിരിക്കുകയാണ്.
കോൺഗ്രസിന്റെ പിന്തുണയോടെ മത്സരിച്ച രാഷ്ട്രീയ ലോക് താന്ത്രിക് പാർട്ടി (ആർഎൽപി) സ്ഥാനാർത്ഥി അൽക ദേവി കണ്ടോയ് 13 വോട്ടുകൾ സ്വന്തമാക്കി ചെയർപഴ്സൻ പദവി പിടിച്ചെടുത്തു. അതേസമയം, പാർട്ടി ടിക്കറ്റ് നിഷേധിക്കப்பட்டതിനെ തുടർന്ന് സ്വതന്ത്രനായി രംഗത്തിറങ്ങിയ ഘൻശ്യാം സദാവത്ത് 12 വോട്ടുകൾ നേടി ശക്തമായ മത്സരമാണ് കാഴ്ചവെച്ചത്.
പാർട്ടിയുടെ കൂടെയുണ്ടായിരുന്ന പത്ത് കൗൺസിലർമാരിൽ ആരും തന്നെ ബിജെപിയുടെ ഔദ്യോഗിക ചെയർപഴ്സൻ സ്ഥാനാർത്ഥിക്ക് അനുകൂലമായി വോട്ട് ചെയ്യാൻ തയ്യാറായില്ല എന്നതാണ് ഈ വലിയ പരാജയത്തിന് കാരണമായത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
