സ്മാർട്ട്ഫോണിലെ സ്റ്റോറേജ് കുറയുന്നുവോ? ഫോട്ടോകൾ ഡിലീറ്റ് ചെയ്യാതെ തന്നെ ഫോൺ മെമ്മറി തിരിച്ചുപിടിക്കാം ഈ എളുപ്പവഴികളിലൂടെ

സ്മാർട്ട്ഫോൺ ഉപയോക്താക്കൾ എപ്പോഴും നേരിടുന്ന പ്രധാന പ്രശ്നങ്ങളിലൊന്നാണ് സ്റ്റോറേജ് കുറഞ്ഞുപോവുക എന്നത്. ഗൂഗിൾ ആപ്പുകൾ വലിയ തോതിൽ ഫോൺ മെമ്മറി കൈയടക്കുന്നതായി റിപ്പോർട്ട്.

ഗൂഗിൾ ആപ്പുകൾക്ക് പകരം മറ്റ് മികച്ച ഓപ്ഷനുകൾ തിരഞ്ഞെടുക്കുന്നതിലൂടെ ഫോണിൽ വലിയ അളവിൽ സ്റ്റോറേജ് സ്ഥലം തിരിച്ചുപിടിക്കാൻ സാധിക്കുമെന്ന് വ്യക്തമാവുന്നു. ഫോട്ടോകളോ വീഡിയോകളോ ഡിലീറ്റ് ചെയ്യാതെ തന്നെ ഫോണിന്റെ മെമ്മറി എങ്ങനെ ഒപ്റ്റിമൈസ് ചെയ്യാം എന്ന് പരിശോധിക്കാം.

പ്രധാനമായും ഫോണിന്റെ സ്റ്റോറേജ് കുറയ്ക്കുന്നതിൽ വലിയ പങ്ക് വഹിക്കുന്നത് മ്യൂസിക് സ്ട്രീമിംഗ് ആപ്പുകളാണ്. YouTube Music ആപ്പ് വഴി പാട്ടുകൾ കേൾക്കുമ്പോൾ ഫോണിൽ ഡാറ്റ കാഷെ ചെയ്യപ്പെടുകയും ഇത് വലിയ തോതിൽ മെമ്മറി നഷ്ടപ്പെടാൻ കാരണമാവുകയും ചെയ്യുന്നു.

ആപ്പിന് പകരമായി ബ്രൗസർ വഴി സ്ട്രീമിംഗ് നടത്തുന്നത് സ്റ്റോറേജ് ലാഭിക്കാൻ സഹായിക്കും. ഇതിനായി Brave ബ്രൗസർ ഉപയോഗിക്കുന്നത് വഴി ഫോൺ ലോക്ക് ചെയ്തിരിക്കുന്ന സമയത്തും ബാക്ക്ഗ്രൗണ്ടിൽ പാട്ടുകൾ കേൾക്കാനും മറ്റ് ആനുകൂല്യങ്ങൾ നേടാനും സാധിക്കും.

എന്നാൽ ചില മറ്റ് ബ്രൗസറുകളിൽ ഈ സൗകര്യം ലഭ്യമല്ലെന്നത് ശ്രദ്ധേയമാണ്. യാത്രകൾക്കായി ഉപയോഗിക്കുന്ന Google Maps ഒഴിവാക്കി പകരം Here WeGo പോലുള്ള ഭാരം കുറഞ്ഞ ആപ്പുകൾ ഉപയോഗിക്കുന്നത് വഴി നൂറുകണക്കിന് മെഗാബൈറ്റ് സ്റ്റോറേജ് ലാഭിക്കാൻ സാധിക്കും.

സാധാരണ അന്വേഷണങ്ങൾക്കായി ഗൂഗിൾ സെർച്ച് തന്നെ ധാരാളമാണ്. അതുപോലെ തന്നെ ഗൂഗിൾ ക്രോമിന് പകരം കൂടുതൽ സുരക്ഷയും സ്വകാര്യതയും നൽകുന്ന മറ്റ് ലൈറ്റ്‌വെയ്റ്റ് ബ്രൗസറുകൾ ഉപയോഗിക്കുന്നതിലൂടെ ഗണ്യമായ അളവിൽ ഫോൺ മെമ്മറി വീണ്ടെടുക്കാനാകും.

ഫോണിലെ ആപ്പുകൾ പരിശോധിക്കുമ്പോൾ ഒരേ സേവനം നൽകുന്ന ആപ്പുകൾ ഒന്നിലധികം ഉണ്ടാവുന്നത് ഒഴിവാക്കുക. ഉദാഹരണത്തിന് ഫിറ്റ്നസ് ട്രാക്കിംഗിനായി ഒന്നിധികം ആപ്പുകൾ ഉപയോഗിക്കുന്നതിന് പകരം ഒരെണ്ണം മാത്രം നിലനിർത്തുന്നത് മെമ്മറി ഒപ്റ്റിമൈസ് ചെയ്യാൻ സഹായിക്കും.

കൂടാതെ ജിബോർഡിന് പകരം Simple Keyboard, FUTO Keyboard തുടങ്ങിയ ആപ്പുകൾ പരീക്ഷിക്കാവുന്നതാണ്. ഫോണിൽ ഉപയോഗിക്കാതെ കിടക്കുന്ന മറ്റ് പല യൂട്ടിലിറ്റികളും അൺഇൻസ്റ്റാൾ ചെയ്യുന്നത് വഴി വലിയ തോതിൽ സ്റ്റോറേജ് സ്ഥലം വീണ്ടെടുക്കാൻ ഉപയോക്താക്കൾക്ക് സാധിക്കും.