ഉത്തർപ്രദേശിലെ ഹാപുർ ജില്ലയിലെ അർജുൻ നഗറിലുള്ള ആഭരണശാലയിൽ നിന്ന് വെള്ളം കുടിച്ച യുവ അധ്യാപികയ്ക്ക് ഗുരുതരമായ പൊള്ളലേറ്റു. അമ്മയോടൊപ്പം ആഭരണങ്ങൾ വാങ്ങാനായി എത്തിയ റിയ എന്ന യുവതിയാണ് അപകടത്തിൽപ്പെട്ടത്.
സംഭവദിവസമായ ജൂലൈ 13, 2026-നാണ് കേസിനാസ്പദമായ സംഭവം നടന്നത്. ഷോറൂമിൽ വെച്ച് ദാഹം അനുഭവപ്പെട്ടതിനെത്തുടർന്ന് യുവതിയുടെ ആവശ്യപ്രകാരം ജീവനക്കാരൻ തൊട്ടടുത്തുള്ള ബേക്കറിയിൽ നിന്ന് വെള്ളം വാങ്ങിക്കൊണ്ടുവരികയായിരുന്നു.
കുപ്പി തുറന്ന് വെള്ളം കുടിച്ച ഉടൻ തന്നെ അസ്വസ്ഥത അനുഭവപ്പെട്ട യുവതി അത് പുറത്തേക്ക് തുപ്പുകയും തുടർന്ന് അസ്വസ്ഥതയോടെ ഓടുന്നതും ഷോറൂമിലെ സിസിടിവി ദൃശ്യങ്ങളിൽ വ്യക്തമാണ്.
ആസിഡ് ഉള്ളിൽ ചെന്നതിനെത്തുടർന്ന് ആന്തരികാവയവങ്ങൾക്ക് ഗുരുതരമായ പൊള്ളലേൽക്കുകയും നില വഷളാവുകയും ചെയ്തു. ഉടൻ തന്നെ യുവതിയെ തൊട്ടടുത്തുള്ള ആശുപത്രിയിൽ പ്രവേശിപ്പിച്ചെങ്കിലും, പിന്നീട് വിദഗ്ധ ചികിത്സയ്ക്കായി മീററ്റിലെ മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു.
സംഭവം പുറത്തറിഞ്ഞതോടെ പോലീസ് ബേക്കറിയിൽ നടത്തിയ പരിശോധനയിൽ ആസിഡ് നിറച്ച നിലയിൽ നിരവധി കുപ്പികൾ കണ്ടെടുത്തു. കുപ്പിവെള്ളം വിതരണം ചെയ്യുന്ന ഏജൻസികളാണ് ഇവ എത്തിച്ചതെന്ന് ബേക്കറിയുടമ മൊഴി നൽകിയിട്ടുണ്ട്.
സംഭവത്തിൽ പോലീസ് അന്വേഷണം ഊർജ്ജിതമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
