പുതിയ ഫോൾഡബിൾ സ്മാർട്ട്ഫോണുകളുടെ കടന്നുവരവോടെ സാങ്കേതിക ലോകത്ത് ചർച്ചയാകുന്നത് ഇവയുടെ ക്യാമറ പ്രകടനങ്ങളാണ്. സാംസങ് ഗാലക്സി ഇസഡ് ഫോൾഡ് 8 അൾട്രാ (Samsung Galaxy Z Fold 8 Ultra) വിപണിയിൽ എത്തിയതോടെ, മോട്ടറോള റേസർ ഫോൾഡ് (Motorola Razr Fold) ഫോണുമായി നടത്തിയ ക്യാമറ താരതമ്യ പരിശോധനയുടെ വിവരങ്ങൾ പുറത്തുവന്നു.
വലിയ സ്ക്രീൻ ഫോൾഡിംഗ് ഫോണുകൾക്ക് 3x ഒപ്റ്റിക്കൽ സൂം ടെലിഫോട്ടോ ശേഷിയുള്ളതിനാൽ ക്യാമറകളുടെ പ്രവർത്തനം വിലയിരുത്താൻ ഇത് മികച്ച അവസരമായി മാറി. ഈ രണ്ട് ഫോണുകളുടെയും ക്യാമറ സവിശേഷതകളും വിലയും പരിശോധിക്കുമ്പോൾ, ഗാലക്സി ഇസഡ് ഫോൾഡ് 8 അൾട്രായ്ക്ക് 2100 ഡോളറും റേസർ ഫോൾഡിന് 1900 ഡോളറുമാണ് വില വരുന്നത്.
ഡിസൈനിന്റെ കാര്യത്തിൽ സാംസങ് ഫോണിനാണ് കൂടുതൽ മുൻതൂക്കം ലഭിക്കുന്നത്. തെളിച്ചമുള്ള സ്ക്രീനുകളും മടക്കുകളുടെ ആഴം കുറവുള്ള രൂപകൽപ്പനയും സാംസങ്ങിന് മേൽക്കൈ നൽകുന്നു.
ഇൻഡോർ ചിത്രങ്ങളിൽ മോട്ടറോള റേസർ ഫോൾഡിന്റെ 3x പെരിസ്കോപ്പ് ടെലിഫോട്ടോ മികച്ച പ്രകടനമാണ് കാഴ്ചവെച്ചത്. കൂടുതൽ തെളിച്ചമുള്ള നിറങ്ങളും വ്യക്തതയും നൽകാൻ ഇതിനായി.
എന്നാൽ ഔട്ട്ഡോർ ചിത്രങ്ങളിലും പ്രധാന ക്യാമറയുടെ കാര്യത്തിലും സാംസങ് ഗാലക്സി ഇസഡ് ഫോൾഡ് 8 അൾട്രായാണ് മികച്ച ഫലങ്ങൾ നൽകിയത്. സ്വാഭാവിക നിറങ്ങളും മികച്ച വൈറ്റ് ബാലൻസും സാംസങ് ചിത്രങ്ങളെ ആകർഷകമാക്കി.
വൈഡ് ആംഗിൾ ക്യാമറകളുടെ കാര്യത്തിൽ ഇരു ഫോണുകളും തമ്മിൽ വലിയ വ്യത്യാസങ്ങൾ പ്രകടമല്ല. മൊത്തത്തിലുള്ള പരിശോധനയിൽ ഒട്ടുമിടങ്ങളിലും സാംസങ്ങിന്റെ ക്യാമറ പ്രകടനമാണ് മികച്ചുനിന്നത്.
എങ്കിലും 3x സൂം ഇൻഡോർ ദൃശ്യങ്ങളിൽ മോട്ടറോള പുലർത്തിയ മികവ് ശ്രദ്ധേയമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
