ദില്ലിയിൽ കേന്ദ്ര മന്ത്രിസഭ പുനഃസംഘടന അടുത്ത മാസം നടക്കുമെന്നാണ് നിലവിലെ രാഷ്ട്രീയ സൂചനകൾ നൽകുന്നത്. കേന്ദ്ര മന്ത്രിസഭയിൽ വലിയ തോതിലുള്ള അഴിച്ചുപണിക്ക് പ്രധാനമന്ത്രി നരേന്ദ്ര മോദി ആലോചിക്കുന്നതായി റിപ്പോർട്ടുകൾ പുറത്തുവരുന്നുണ്ട്.
ലഭ്യമാകുന്ന വിവരങ്ങൾ അനുസരിച്ച് മുപ്പതിലധികം മന്ത്രിമാരുടെ വകുപ്പുകളിൽ മാറ്റങ്ങൾ ഉണ്ടായേക്കാം. ഇതിനുപുറമേ, പത്തിനടുത്ത് മന്ത്രിമാർക്ക് രാജി സമർപ്പിക്കാനുള്ള നിർദ്ദേശം നൽകാനും സാധ്യതയുണ്ട്.
അതേസമയം, സൗജന്യ ഓൺലൈൻ കോച്ചിംഗ് പദ്ധതിയുടെ കരട് നിർദ്ദേശങ്ങൾ പ്രധാനമന്ത്രിയുടെ ഓഫീസ് ഇതിനകം തയ്യാറാക്കിയിട്ടുണ്ട്. ഗാന്ധി ജയന്തി മുതൽ ഈ പദ്ധതി രാജ്യത്ത് നടപ്പാക്കാനാണ് അധികൃതർ ആലോചിക്കുന്നത്.
ഇതിനിടയിൽ, ബിജെപി പാർലമെൻററി ബോർഡിന്റെ രൂപീകരണം വൈകുകയാണ്. വിവിധ സംസ്ഥാനങ്ങളിലെ മുഖ്യമന്ത്രിമാരെ ബോർഡിലേക്ക് ഉൾപ്പെടുത്തുന്ന കാര്യത്തിൽ ഇതുവരെ അന്തിമ തീരുമാനം ആയിട്ടില്ലെന്നാണ് ലഭിക്കുന്ന വിവരം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
