ഫ്രാൻസിൽ നടക്കുന്ന ജി സെവൻ (G7) ഉച്ചകോടിക്കിടയിൽ അമേരിക്കൻ പ്രസിഡന്റ് ഡോണൾഡ് ട്രംപും യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹിയാനും തമ്മിൽ കൂടിക്കാഴ്ച നടത്തി. പശ്ചിമേഷ്യൻ മേഖലയിലെ സംഘർഷസമയത്ത് അമേരിക്ക നൽകിയ പിന്തുണയ്ക്ക് ഷെയ്ഖ് മുഹമ്മദ് ബിൻ സായിദ് അൽ നഹിയാൻ നേരിട്ട് നന്ദി രേഖപ്പെടുത്തി.
മേഖലയുടെ സുസ്ഥിരതയ്ക്കും സമാധാനത്തിനും അമേരിക്കയുടെ ഇടപെടൽ വലിയ തോതിൽ സഹായകമായെന്ന് അദ്ദേഹം വിലയിരുത്തി. ഇതിന് മറുപടിയായി, യുഎഇ അമേരിക്കയുടെ ശക്തരായ പങ്കാളിയാണെന്ന് ഡോണൾഡ് ട്രംപ് വ്യക്തമാക്കി.
താൻ അധികാരമേറ്റതിന് ശേഷം ഇരുരാജ്യങ്ങളും തമ്മിലുള്ള ബന്ധം കൂടുതൽ സുദൃഢമായെന്നും അദ്ദേഹം കൂട്ടിച്ചേർത്തു. നേരത്തെ, മേഖലയിലെ സമാധാനക്കരാറുകളിൽ ഡോണൾഡ് ട്രംപ് വഹിച്ച ക്രിയാത്മക പങ്കിനെ യുഎഇ ഭരണകൂടം പരസ്യമായി പ്രശംസിച്ചിരുന്നു.
കൂടിക്കാഴ്ചയ്ക്കിടെ ഹോർമുസ് കടലിടുക്ക് ഭാഗികമായി തുറന്ന കാര്യം പരാമർശിച്ച ഡോണൾഡ് ട്രംപ്, ഇതിലൂടെ എണ്ണവിലയിൽ ഗണ്യമായ കുറവുണ്ടാകുമെന്ന് പ്രതീക്ഷ പ്രകടിപ്പിച്ചു. ഫ്രഞ്ച് പ്രസിഡന്റിന്റെ പ്രത്യേക ക്ഷണപ്രകാരമാണ് ഷെയ്ഖ് മുഹമ്മദ് ബിൻ സായിദ് അൽ നഹിയാൻ ഉച്ചകോടിയിൽ പങ്കെടുത്തത്.
അതേസമയം, ഉച്ചകോടിക്കിടെ 16 മാസത്തെ ഇടവേളയ്ക്ക് ശേഷം പ്രധാനമന്ത്രി നരേന്ദ്ര മോദിയും ഡോണൾഡ് ട്രംപും തമ്മിൽ കൂടിക്കാഴ്ച നടത്തിയത് അന്താരാഷ്ട്ര തലത്തിൽ ശ്രദ്ധേയമായി. വരുംദിവസങ്ങളിൽ ഇരുനേതാക്കളും തമ്മിലുള്ള ഉഭയകക്ഷി ചർച്ചകൾ നടക്കുമെന്നാണ് വിവരം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
