സ്വർണക്കലി അടങ്ങുന്നില്ല‌; നട്ടുച്ചയ്ക്ക് വീണ്ടും റെക്കോർഡ്, ഒറ്റദിവസം കൂടിയത് 1,400 രൂപ

സ്വർണ വിലയുടെ കുതിപ്പിന് ശമനമില്ല. രാവിലെ കുറിച്ച റെക്കോർഡ് ഉച്ചയ്ക്ക് തിരുത്തി മുന്നേറുകയെന്ന കഴിഞ്ഞ ഏതാനും മാസങ്ങളായുള്ള ശീലവും തുടരുകയാണ്.

ഇന്നു രാവിലെ, ചരിത്രത്തിൽ ആദ്യമായി 90,000 രൂപ ഭേദിച്ച പവൻ ഉച്ചയ്ക്ക് കൂടുതൽ ഉയർന്ന് 91,000ന് തൊട്ടടുത്തെത്തി. 560 രൂപ കൂടി 90,880 രൂപയാണ് പുതിയ വില.

ഇന്ന് രാവിലെയും ഉച്ചയ്ക്കുമായി കൂടിയത് 1,400 രൂപ.
ഗ്രാമിന് 70 രൂപ ഉയർന്ന് 11,360 രൂപയായി. 55 രൂപ വർധിച്ച് 9,410 രൂപയാണ് 18 കാരറ്റ് സ്വർണവില.

വെള്ളിവില ഉച്ചയ്ക്കും മാറിയില്ല; ഗ്രാമിന് 163 രൂപ. ഇന്നു രാവിലെ, ഔൺസിന് 4,000 ഡോളർ ഭേദിച്ച രാജ്യാന്തരവില ഉച്ചയ്ക്ക് കൂടുതൽ മുന്നേറി 4,040 ഡോളറിലെത്തി.

കേരളത്തിൽ ചില ജ്വല്ലറികളിൽ 18 കാരറ്റിനുവില ഉച്ചയ്ക്ക് ഗ്രാമിന് 55 രൂപ ഉയർന്ന് 9,345 രൂപയാണ്.
എന്തുകൊണ്ടാണ് സ്വർണവില ഇങ്ങനെ കുത്തനെ കൂടുന്നത്? ഒരു പവൻ സ്വർണാഭരണം വാങ്ങാൻ എത്ര രൂപയാകും? വിശദമായി വായിക്കാൻ

.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
… FacebookTwitterWhatsAppTelegram