തുറവൂർ∙കെൽട്രോൺ–കുമ്പളങ്ങി ഫെറി ബോട്ടു ചങ്ങാടം സർവീസ് നിർത്തി വയ്പിച്ചു. കുമ്പളങ്ങി – അരൂർ പാലം നിർമാണത്തിന്റെ ഭാഗമായി ഇരു കരകളിലും പൈലിങ്ങും കോൺക്രീറ്റിങ്ങും പുരോഗമിക്കുകയാണ്.
ബോട്ടു ചങ്ങാടം സർവീസ് തുടരുന്നതിനാൽ വെള്ളത്തിലെ ജോലികൾ ഇതുവരെ തുടങ്ങാനായില്ല. പൈലിങ്ങിനായി ബാർജ് കൊണ്ടുവന്നിട്ട് ഒരു മാസമായെങ്കിലും ചങ്ങാടം സർവീസ് ഉള്ളതിനാൽ നിർമാണം ആരംഭിക്കാനായില്ല.
ഇതു കാരണം ഒരുമാസമാണ് നഷ്ടമായെന്ന് കരാറുകാരൻ പറഞ്ഞു.
ഇതേത്തുടർന്നാണ് വെള്ളിയാഴ്ച രാവിലെ 10നു മുന്നറിയിപ്പില്ലാതെ ചങ്ങാടം സർവീസ് നിർത്തി വയ്ക്കാൻ കുമ്പളങ്ങി പഞ്ചായത്ത് അധികാരികളും പൊലീസും അറിയിച്ചത്. തുടർന്നു സർവീസ് നിർത്തിവച്ചു.
നിലവിൽ നിർമാണം ആരംഭിക്കുന്ന ഘട്ടത്തിൽ കുമ്പളങ്ങി കെൽട്രോൺ ഫെറി സർവീസ് അമ്മനേഴം ജനതാ കടത്ത് വഴി ബദൽ സംവിധാനം ഒരുക്കാനുള്ള ശ്രമങ്ങളിലാണ് അധികാരികൾ. അരൂരിൽ ജെട്ടിയും അനുബന്ധ സൗകര്യങ്ങളും പൂർത്തിയായിട്ടുണ്ട്.
ഇനി ഈ ഭാഗത്ത് ബോട്ട് കെട്ടാനുള്ള കുറ്റി സ്ഥാപിക്കണം. കടവിൽ ആഴം കൂട്ടണം.
എന്നാൽ കുമ്പളങ്ങിക്കരയിൽ ജെട്ടി നിർമാണം അവസാന ഘട്ടത്തിലാണ്.
ഏതാനും ദിവസങ്ങൾക്കുള്ളിൽ പൂർണമായും സർവീസിനു സജ്ജമാകുമെന്നാണു കുമ്പളങ്ങി പഞ്ചായത്ത് അധികൃതർ വ്യക്തമാക്കുന്നത്.എന്നാൽ ബദൽ യാത്രാസൗകര്യം പൂർത്തിയാകാതെ ചങ്ങാടം സർവീസ് നിർത്തിവച്ചത് നൂറുകണക്കിന് യാത്രക്കാർക്ക് ബുദ്ധിമുട്ടുണ്ടാക്കി. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
