സ്വന്തം ലേഖകൻ
കോട്ടയം: മിത്ത് വിവാദം തിരഞ്ഞെടുപ്പിൽ ചർച്ചയാകുമെന്ന് പുതുപ്പള്ളി ഉപതിരഞ്ഞെടുപ്പിലെ എൻഡിഎ സ്ഥാനാർഥി ജി.ലിജിൻ ലാൽ.
‘സ്വാഭാവികമായും മിത്ത് വിവാദം ചർച്ചയാകും. വീടുകളിൽ ചെല്ലുമ്പോൾ ആളുകൾ അത് ഇങ്ങോട്ടേക്കു പറയുകയാണ്. വിശ്വാസികളുടെ മനസ്സിനെ മുറിവേൽപ്പിച്ചിട്ടുണ്ടെങ്കിൽ അതു അവർ ചർച്ചയാക്കുക തന്നെ ചെയ്യും. എന്നും രാവിലെ പ്രാർഥനയോടെ പുറത്തേക്കു പോകാൻ വരുമ്പോൾ അവർ വിശ്വസിക്കുന്നതെല്ലാം മിത്താണെന്നു പറയുന്ന സംസ്കാരത്തെ, വിശ്വാസികൾ വച്ചുപൊറുപ്പിക്കുമെന്ന് എൻഡിഎ വിശ്വസിക്കുന്നില്ല. ജനങ്ങളുടെ മനസ്സിൽ അതു വലിയ മുറിവാണ് ഏൽപ്പിച്ചിരിക്കുന്നത്. അതുകൊണ്ടു തന്നെ അവർ അക്കാര്യം സ്വാഭാവികമായും ചർച്ച ചെയ്യും. ഈ തിരഞ്ഞെടുപ്പിൽ അതിന്റെ പ്രതിഫലനവും ഉണ്ടാവും’’ – ലിജിൻ പറഞ്ഞു.
എൻഎസ്എസ് ആസ്ഥാനത്തെത്തി ജി.സുകുമാരൻ നായരെ സന്ദർശിച്ചശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം.
സുകുമാരൻ നായരുടെ അനുഗ്രഹം വാങ്ങുന്നതിനായാണ് എൻഎസ്എസ് ആസ്ഥാനത്ത് എത്തിയത്. ആ അനുഗ്രഹം തീർച്ചയായും ഗുണം ചെയ്യുമെന്നും ലിജിൻ ലാൽ പറഞ്ഞു. എൻഎസ്എസിന്റെ സമദൂര നിലപാടിനെ സ്വാഗതം ചെയ്യുന്നെന്നും അദ്ദേഹം പറഞ്ഞു.
The post മിത്ത് വിവാദം വിശ്വാസികളുടെ മനസ്സിനെ മുറിവേൽപ്പിച്ചു; പുതുപ്പള്ളി ഉപതിരഞ്ഞെടുപ്പിൽ ചർച്ചയാകും; എൻഎസ്എസ് ആസ്ഥാനത്തെത്തി ജി.സുകുമാരൻ നായരെ സന്ദർശിച്ചശേഷം എൻഡിഎ സ്ഥാനാർഥി ലിജിൻ ലാൽ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
