കളമശേരിയിൽ രാസ ലഹരിമരുന്നുമായി 3 പേർ പിടിയിൽ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
കളമശേരി ∙ വിൽപനയ്ക്കും ഉപയോഗത്തിനുമായി കയ്യിൽ കരുതിയ രാസലഹരിമരുന്നുമായി 3 യുവാക്കളെ പൊലീസ് അറസ്റ്റ് ചെയ്തു. ചങ്ങമ്പുഴനഗർ പോട്ടച്ചാൽ നഗർ റോഡ് കോഴിക്കാട്ടിൽ വീട്ടിൽ കെ.എ. ആഷിഫ് (34), പെരുമ്പാവൂർ പോഞ്ഞാശ്ശേരി കടവിൽ വീട്ടിൽ മുഹമ്മദ് (31) പാലക്കാട് ആനിക്കോട് അരുമ്പിൽ വീട്ടിൽ എ.കെ. അശോക് കുമാർ (34) എന്നിവരെയാണ് അറസ്റ്റ് ചെയ്തത്.
ചങ്ങമ്പുഴ നഗർ റോഡരികിൽ 28നു രാത്രി 10.05നു പിടിയിലായ ആഷിഫിന്റെ കയ്യിൽ കരുതിയിരുന്ന 4.78 ഗ്രാം രാസലഹരിമരുന്ന് ഡാൻസാഫ് സംഘം പിടികൂടിയിരുന്നു. ഇയാളെ കേന്ദ്രീകരിച്ച് ഇൻസ്പെക്ടർ എം.ബി. ലത്തീഫിന്റെ നേതൃത്വത്തിൽ എസ്ഐമാരായ അനിൽകുമാർ, ഷമീർ എന്നിവരും സീനിയർ പൊലീസ് ഓഫിസർമാരായ ഇഷ്‌ഹാഖ്, മാഹിൻ അബൂബക്കർ, ഷാജഹാൻ എന്നിവരടങ്ങിയ പൊലീസ് സംഘം നടത്തിയ വിശദമായ അന്വേഷണത്തിലാണു രാസലഹരി മൊത്തമായും ചില്ലറയായും വിവിധയിടങ്ങളിൽ വിൽപന നടത്തുന്ന മറ്റു രണ്ടുപേരെയും പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
