നേരത്തെ വിവാഹിതയാണ്, കൂടെ കഴിഞ്ഞത് വെറും മൂന്നാഴ്ച; ഒപ്പംനിന്ന നടനും ചതിച്ചു; വീഡിയോയുമായി എലിസബത്ത്

നടൻ ബാലയുടെ ഭാര്യ കോകിലയുടെ ആരോപണങ്ങളിൽ മറുപടിയുമായി എലിസബത്ത്. എലിസബത്ത് നേരത്തെ വിവാഹിതയായിരുന്നുവെന്നും ഇത് രഹസ്യമാക്കിവെച്ചായിരുന്നു ബാലയോടൊപ്പം താമസിച്ചതെന്നുമായിരുന്നു കോകില പറഞ്ഞത്. ഇക്കാര്യങ്ങളിൽ വിശദീകരണവുമായിട്ടാണ് ഫേസ്ബുക്ക് വീഡിയോയിൽ കൂടി എലിസബത്ത് രംഗത്തെത്തിയത്.

മാട്രിമോണിയൽ സൈറ്റ് വഴി പരിചയപ്പെട്ട ഡോക്ടറായിരുന്നു തന്റെ ആദ്യഭർത്താവ്. വെറും മൂന്ന് ആഴ്ചകൾ മാത്രമായിരുന്നു തങ്ങൾ ഒന്നിച്ച് കഴിഞ്ഞത്. വിവാഹമോചനത്തിന് ബാല തന്നെയാണ് സഹായിച്ചതെന്നും എലിസബത്ത് വീഡിയോയിൽ പറയുന്നു. കൂടെ ഉണ്ടെന്ന് ധരിച്ചിരുന്ന നടനും തന്നെ ചതിച്ചെന്നും അയാളെക്കുറിച്ചും വരുന്ന വീഡിയോകളിൽ പറയുമെന്നും എലിസബത്ത് കൂട്ടിച്ചേർത്തു.

എലിസബത്ത് വീഡിയോയിൽ പറഞ്ഞത്:

2019- മേയിലായിരുന്നു എന്റെ കല്യാണം നടന്നത്. മൂന്നാഴ്ചയാണ് ഞങ്ങൾ ഒരുമിച്ച് താമസിച്ചത്. വിവാഹമോചനം കുറച്ച് വൈകിപ്പോയി. മാട്രിമോണിയൽ സൈറ്റ് വഴി പരിജയപ്പെട്ട ഡോക്ടറെയാണ് വിവാഹം കഴിച്ചത്. വിവാഹമോചനത്തിന് സഹായിച്ചത് ഈ നടനാണ്. ഇതിൽ എന്തെങ്കിലും സംശയം ഉണ്ടെങ്കിൽ തെളിവുകൾ തരാം.

നാലോ അഞ്ചോ വിവാഹം കഴിഞ്ഞിട്ടുള്ള ഒരാൾ മുമ്പ് ഒന്ന് കഴിഞ്ഞ്, അതും അയാളോട് പറഞ്ഞിട്ടാണ് ഈ കല്യാണത്തിലേക്ക് വന്നത്. അന്ന് വിവാഹമോചനത്തിൽ പോലും കൂടെ നിന്ന ആൾ ഇപ്പോൾ ഭീഷണിപ്പെടുത്തുന്നു.

ഇതിന് മുമ്പ് എനിക്കൊരു ഫേസ്ബുക്ക് പ്രൊഫൈൽ ഉണ്ടായിരുന്നു. അതിലായിരുന്നു ഞാൻ ട്രോൾ ഒക്കെ ഇട്ടിരുന്നത്. വിവാഹമോചനം കഴിഞ്ഞ ശേഷമാണ് ട്രോളുകളിലേക്ക് തിരിഞ്ഞത്. റിലേഷൻ സ്റ്റാറ്റസിൽ ഡിവോഴ്സി എന്നായിരുന്നു വെച്ചിട്ടുണ്ടായിരുന്നത്. ആ പ്രൊഫൈലിൽ നിന്നാണ് ഇയാളെ പ്രൊപ്പോസ് ചെയ്യുന്നത്. ഞാൻ ആരേയും പറ്റിച്ചിട്ടില്ല. മുമ്പത്തെ വിവാഹത്തെക്കുറിച്ച് ആരോടും പറയരുത്, അത് എനിക്ക് നാണക്കേടാണെന്ന് വിവാഹ ശേഷം ഈ മനുഷ്യൻ തന്നെയാണ് എന്നോട് പറഞ്ഞത്.

അന്നത്തെ ഫേസ്ബുക്ക് പ്രൊഫൈലിൽ 5000 സുഹൃത്തുക്കളും 16000 ഫോളോവേഴ്സും ഉണ്ടായിരുന്നു. പുള്ളിയുടെ കൂടെ താമസിക്കാൻ തുടങ്ങിയ സമയത്ത്, അതിനെ എന്ത് പേര് വിളിക്കണമെന്ന് അറിയില്ല. താമസിക്കാൻ തുടങ്ങിയ സമയത്ത് ആ പ്രൊഫൈൽ അയാൾ ഡിലീറ്റ് ചെയ്തു. അതിലാണ് ഞങ്ങൾ പ്രൊപ്പോസ് ചെയ്തതൊക്കെ. അന്ന് ഉണ്ടായിരുന്ന എന്റെ ഫോൺ അദ്ദേഹം എറിഞ്ഞുപൊട്ടിച്ചു, സിം നാശമാക്കി. ആ നമ്പർ ഇപ്പോൾ വേറെ ആളുടെ കൈയിലാണ്. ആദ്യത്തേത് മ്യൂച്ചൽ ഡിവോഴ്സ് ആയിരുന്നു.

15 വർഷമായിട്ട് എന്ത് മരുന്നാണ് ഞാൻ കഴിക്കുന്നത്. സെപ്തംബർ 8-ന് എനിക്ക് 31 വയസാകും. 15 വർഷമായി മരുന്ന് കഴിക്കുന്നുണ്ടെന്നാണ് പറഞ്ഞത്. എന്ത് മരുന്നാണ് ഞാൻ കഴിക്കുന്നതെന്ന് തെളിവു തന്നാൽ നന്നായിരുന്നു. പതിനഞ്ച് വർഷം പുറകിലേക്ക് പോയാൽ എനിക്ക് 15 വയസേ ഉണ്ടാകൂ. അപ്പോൾ മുതൽ എന്ത് മരുന്നാണ് കഴിക്കുക. അടുത്താണ് ഞാൻ ഡിപ്രഷന്റെ മരുന്നുകൾ കഴിക്കുന്നത്. അതല്ലാതെ പനി വരുമ്പോഴൊക്കെ മരുന്ന് കഴിച്ചിട്ടുണ്ടാകും.

എട്ട് ഒൻപത് ക്ലാസ് പരീക്ഷാ റാങ്കിങ്ങിൽ ആദ്യത്തെ അഞ്ചുപേരിൽ ഞാൻ ഉണ്ടായിരുന്നു. പത്താംക്ലാസിൽ ഫുൾ എ പ്ലസ് ആയിരുന്നു. ഷട്ടിൽ ബാഡ്മിന്റൺ കളിക്കുമായിരുന്നു. കേരളത്തിനു വേണ്ടിയും കളിച്ചിട്ടുണ്ട്. സ്കൂളിലോ കോളേജിലോ എന്നെ പറ്റി യാതൊരു പരാതിയും ഇല്ല. ഇനി വരോ എന്ന് എനിക്കറിയില്ല. ഇനി കള്ളക്കേസൊന്നും വരില്ലെന്ന് വിചാരിക്കുന്നു.

പത്ത്, പ്ലസ് വൺ, പ്ലസ് ടു പരീക്ഷാ ചോദ്യപേപ്പർ ചോർത്തി പരീക്ഷ എഴുതി പാസായി എന്നൊക്കെ ഭയങ്കര അഹങ്കാരത്തിൽ വിളിച്ചു പറയുന്ന ആളുകളെ എനിക്കറിയാം. അവർക്കൊന്നും ഈ പരീക്ഷ എഴുതി ജയിച്ചതിന്റെ വില മനസ്സിലാകില്ല. ഈ പറഞ്ഞ നടൻ തന്നെയാണ് എന്നോട് പറഞ്ഞത്, പരീക്ഷയുടെ സമയത്ത് പുള്ളിയുടെ അച്ഛൻ ചോദ്യപേപ്പർ ചോർത്തി നൽകിയിട്ടുണ്ട് എന്ന്. അങ്ങനെയുള്ള ആളുകൾക്ക് ശരിയായ രീതിയിൽ പരീക്ഷ എഴുതി പാസായതിന്റെ കാര്യം മനസ്സിലാകില്ല.

ഇയാളുടെ സർജറി കഴിഞ്ഞ് മൂന്നാമത്തെ ദിവസത്തിൽ ഞാൻ സത്യങ്ങളൊക്കെ അറിഞ്ഞു. അപ്പോൾ കൂടെ ഉള്ള നടൻ, ആ ആളെക്കുറിച്ച് വേറെ പറയാനുണ്ട്. അയാൾ കൂടെ നിന്ന് പറ്റിക്കുകയായിരുന്നുവെന്ന് പുതിയ കല്യാണ വീഡിയോ കണ്ടപ്പോൾ മനസ്സിലായി. അവൻ കള്ളു കുടി തുടങ്ങിയല്ലേ എനിക്ക് വെറുത്തുപോകും എലിസബത്തേ. നമ്മൾ അഞ്ചുപേരൊക്കെ എത്ര കഷ്ടപ്പെട്ട് നിന്നിട്ടാണ് അവന്റെ കാര്യങ്ങൾ നോക്കിയത്. അവസാനം ഡിസ്ചാർജ് ആയി മൂന്നാം ദിവസത്തിൽ അവൻ കള്ളുകുടി തുടങ്ങി. ഇനി ഞാനവനെ കാണില്ലെന്ന് പറഞ്ഞ ആള് എല്ലാ കാര്യങ്ങൾക്കും കൂടെ നിൽക്കുന്നതാണ് കണ്ടത്. വീട്ടുകാരും നാട്ടുകാരും സുഹൃത്തുക്കളും ചേർന്ന് എന്നെ ചതിക്കുകയായിരുന്നുവെന്നാണ് എനിക്ക് മനസ്സിലാകുന്നത്.

…