തിരുവനന്തപുരം: കേരള സർവകലാശാലയിലെ വിവാദമായ നിയമനത്തട്ടിപ്പിൽ അന്വേഷണം വ്യാപിപ്പിച്ച് ക്രൈംബ്രാഞ്ച്. അനധികൃതമായി ജോലി നേടിയ 38 പേരെയും കേസിലെ പ്രതികളാക്കാനാണ് ഔദ്യോഗിക നീക്കം നടക്കുന്നത്.
ഇതിന്റെ ഭാഗമായി സർവകലാശാലയുടെ ഉയർന്ന സ്ഥാനങ്ങളിൽ ഇരുന്നവർക്കെതിരെയുള്ള കുറ്റപത്രം ഉടൻ തന്നെ കോടതിയിൽ സമർപ്പിക്കും. വർഷങ്ങളായി നിലനിൽക്കുന്ന ഈ ക്രമക്കേടുമായി ബന്ധപ്പെട്ട് കൂടുതൽ വ്യക്തികളിലേക്ക് അന്വേഷണം നീളുകയാണ്.
2008-ൽ നടന്ന കേരള സർവകലാശാല അസിസ്റ്റന്റ് നിയമന പ്രക്രിയയാണ് വലിയ തോതിലുള്ള വിവാദങ്ങൾക്ക് തിരികൊളുത്തിയത്. അന്നത്തെ പരീക്ഷയിൽ ആകെ 33,933 ഉദ്യോഗാർത്ഥികളാണ് പങ്കെടുത്തത്.
എന്നാൽ, എഴുത്തുപരീക്ഷയിൽ ഉയർന്ന മാർക്ക് നേടി യോഗ്യത തെളിയിച്ചവരെ തഴഞ്ഞ്, തങ്ങളുടെ ഇഷ്ടക്കാരെ പിൻവാതിലിലൂടെ തിരുകിക്കയറ്റാൻ റാങ്ക് പട്ടികയിൽ ബോധപൂർവ്വമായ അട്ടിമറി നടത്തിയെന്നാണ് പ്രധാന പരാതി. എഴുത്തുപരീക്ഷയുടെ ഒഎംആർ (OMR) ഉത്തരക്കടലാസുകളിൽ കൃത്രിമം കാണിച്ചതായാണ് അന്വേഷണത്തിൽ വ്യക്തമാകുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
