ശ്രീലങ്കയ്ക്കെതിരായ രണ്ടാം ക്രിക്കറ്റ് ടെസ്റ്റ്: ടോസ് നേടിയ ഇന്ത്യ ബാറ്റിംഗ് തെരഞ്ഞെടുത്തു

കൊളംബോയിൽ നടക്കുന്ന ശ്രീലങ്കയ്‌ക്കെതിരായ രണ്ടാം ക്രിക്കറ്റ് ടെസ്റ്റില്‍ ടോസ് നേടിയ ഇന്ത്യ ബാറ്റിംഗ് തെരഞ്ഞെടുത്തു. പരമ്പരയിലെ ആദ്യ മത്സരത്തില്‍ വിജയം സ്വന്തമാക്കിയ ടീമില്‍ നിർണ്ണായക മാറ്റങ്ങളോടെയാണ് സന്ദർശകർ ഇറങ്ങിയിരിക്കുന്നത്.

ചൈനാമാന്‍ സ്പിന്നര്‍ കുല്‍ദീപ് യാദവിന് പകരം ഓഫ് സ്പിന്നർ സാരാൻഷ് ജെയിന്‍ ഈ മത്സരത്തിലൂടെ ഇന്ത്യക്കായി ടെസ്റ്റ് അരങ്ങേറ്റം കുറിക്കുകയാണ്. താരം ടെസ്റ്റ് ക്യാപ് ഏറ്റുവാങ്ങിയത് ഓൾറൗണ്ടർ രവീന്ദ്ര ജഡേജയിൽ നിന്നാണ്.

മധ്യനിരയിൽ ആറാം നമ്പറിൽ ധ്രുവ് ജുറെൽ തന്റെ സ്ഥാനം നിലനിർത്തിയപ്പോൾ, യുവതാരം സർഫറാസ് ഖാൻ ഒരിക്കല്‍ കൂടി പ്ലേയിംഗ് ഇലവനില്‍ ഉൾപ്പെടാതെ പുറത്തിരുന്നു. ആദ്യ ടെസ്റ്റിൽ പരാജയപ്പെട്ട

ആതിഥേയരായ ശ്രീലങ്കന്‍ നിരയിലും രണ്ട് മാറ്റങ്ങൾ വരുത്തിയിട്ടുണ്ട്. പരിക്കേറ്റ് പുറത്തായ ദിനേശ് ചണ്ഡിമാലിന് പകരം ആദ്യ ടെസ്റ്റില്‍ കണ്‍കഷൻ സബ്സ്റ്റിറ്റ്യൂട്ടായി കളത്തിലിറങ്ങിയ പാസിന്ദു സൂര്യബന്ദാര ഈ മത്സരത്തിലും ടീമിൽ സ്ഥാനം നിലനിർത്തി.

കൂടാതെ, ആദ്യ ടെസ്റ്റിനുശേഷം ഒഴിവാക്കപ്പെട്ട നിഷാൻ മധുഷ്കയ്ക്ക് പകരക്കാരനായി കാമിൽ മിഷാര ശ്രീലങ്കക്കായി ടെസ്റ്റ് മത്സരത്തിൽ അരങ്ങേറ്റം കുറിക്കുന്നുണ്ട്.

ആദ്യ ടെസ്റ്റിൽ നേടിയ 165 റൺസിന്‍റെ തിളക്കമാർന്ന വിജയം നൽകുന്ന ആത്മവിശ്വാസത്തിലാണ് ടീം ഇന്ത്യാ രണ്ടാം മത്സരത്തിന് ഇറങ്ങിയിരിക്കുന്നത്. 2023-ന് ശേഷം വിദേശമണ്ണിൽ ഒരു ടെസ്റ്റ് പരമ്പര സ്വന്തമാക്കുക എന്ന ലക്ഷ്യത്തിനൊപ്പം ലോക ടെസ്റ്റ് ചാമ്പ്യൻഷിപ്പ് ഫൈനൽ പ്രതീക്ഷകൾ സജീവമാക്കി നിർത്താനും ഇന്ത്യക്ക് ഈ വിജയം അത്യന്താപേക്ഷിതമാണ്.

നിലവിൽ ലോക ടെസ്റ്റ് ചാമ്പ്യൻഷിപ്പ് പോയിന്‍റ് പട്ടികയിൽ 53.33 ശതമാനം പോയിന്റോടെ അഞ്ചാം സ്ഥാനത്താണ് ഇന്ത്യ തുടരുന്നത്. ഇന്നത്തെ മത്സരത്തിൽ വിജയം കണ്ട് പരമ്പര 2-0 ന് തൂത്തുവാരാൻ സാധിച്ചാൽ പോയിന്റ് പട്ടികയിൽ നാലാം സ്ഥാനത്തേക്ക് മുന്നേറാൻ ടീമിന് സാധിക്കും.

ആദ്യ മത്സരത്തിൽ മികച്ച ജയം സ്വന്തമാക്കിയെങ്കിലും ബാറ്റിംഗ് നിരയിലെ ചില മേഖലകളിൽ ആശങ്കകൾ നിലനിൽക്കുന്നുണ്ട്. കഴിഞ്ഞ എട്ട് ഇന്നിങ്സുകളിൽ നിന്ന് ഒരേയൊരു അർദ്ധസെഞ്ചുറി മാത്രം കണ്ടെത്താൻ കഴിഞ്ഞ ഓപ്പണർ യശസ്വി ജയ്സ്വാളിന്‍റെ മോശം ഫോം ടീമിന് തലവേദനയാണ്.

പേസ് ബൗളിംഗിന് മുന്നിൽ പതറുന്ന പതിവ് ശൈലി തിരുത്തി ജയ്സ്വാൾ ക്രീസിൽ ദീർഘനേരം നിലയുറപ്പിക്കുമെന്ന പ്രതീക്ഷയിലാണ് ആരാധകരും ടീം മാനേജ്മെന്റും. കൊളംബോയിലെ പിച്ചിൽ നിന്നും സ്പിന്നർമാർക്ക് പൂർണ്ണമായി പിന്തുണ ലഭിക്കാൻ സാധ്യതയില്ലാത്തത് ഇരു ടീമുകൾക്കും തന്ത്രപരമായ വെല്ലുവിളിയാകും.

ശ്രീലങ്കൻ പ്ലേയിംഗ് ഇലവൻ: ലഹിരു ഉദാര, കാമിൽ മിഷാര, പസിന്ദു സൂരിയബണ്ഡാര, കമിന്ദു മെൻഡിസ്, ധനഞ്ജയ ഡി സിൽവ (ക്യാപ്റ്റൻ), സൊണാൽ ദിനുഷ, നിരോഷൻ ഡിക്ക്വെല്ല, കേശര നുവാന്ത, പ്രഭാത് ജയസൂര്യ, ലഹിരു കുമാര, അസിത ഫെർണാണ്ടോ. ഇന്ത്യൻ പ്ലേയിംഗ് ഇലവൻ: യശസ്വി ജയ്സ്വാൾ, കെ.

എൽ. രാഹുൽ, ദേവദത്ത് പടിക്കൽ, ശുഭ്മൻ ഗിൽ (ക്യാപ്റ്റൻ), റിഷഭ് പന്ത്, രവീന്ദ്ര ജഡേജ, ധ്രുവ് ജുറെൽ, സാരാൻഷ് ജെയിൻ, മാനവ് സുതാർ, മുഹമ്മദ് സിറാജ്, പ്രസിദ്ധ് കൃഷ്ണ.