സിവിൽ സർവീസ് പരിശീലനം വിജയകരമായി പൂർത്തിയാക്കിയതിനെത്തുടർന്ന്, കൊട്ടാരക്കര സ്വദേശിയായ ജി.പി. നന്ദന തമിഴ്നാട് കേഡറിൽ സേലം അസിസ്റ്റന്റ് കലക്ടറായി ഔദ്യോഗിക ചുമതലയേൽക്കുന്നു.
ഇതോടെ ഭരണനിർവഹണ മേഖലയിലെ തൻ്റെ ഔദ്യോഗിക സേവനത്തിന് നന്ദന തുടക്കം കുറിക്കുകയാണ്. പരിശീലനം പൂർത്തിയാക്കിയ ബാച്ചിലെ മറ്റ് പത്ത് ഉദ്യോഗസ്ഥരോടൊപ്പം തമിഴ്നാട് മുഖ്യമന്ത്രി ജോസഫ് വിജയ്യുമായി നന്ദന കൂടിക്കാഴ്ച നടത്തി.
സന്ദർശന വേളയിൽ മുഖ്യമന്ത്രി നടത്തിയ പ്രസ്താവന ഏറെ ശ്രദ്ധേയമായി. ‘യുവ പ്രതിഭകളായ നിങ്ങളെ കാണുന്നതിൽ സന്തോഷമുണ്ട്.
സമൂഹത്തിന് വേണ്ടി നന്നായി ജോലി ചെയ്യുക’–തമിഴ്നാട് മുഖ്യമന്ത്രി ജോസഫ് വിജയ്യുടെ വാക്കുകൾ തനിക്ക് വലിയ പ്രചോദനമാണെന്ന് കൊട്ടാരക്കര വയയ്ക്കൽ സ്വസ്തിയിൽ താമസിക്കുന്ന ജി.പി. നന്ദന പ്രതികരിച്ചു.
കൂടിക്കാഴ്ചയുടെ ഭാഗമായി ഡാനിയേൽ ഗോൾമാന്റെ ‘ഇമോഷനൽ ഇന്റലിജൻസ്’ എന്ന പുസ്തകം അദ്ദേഹം നന്ദനയ്ക്ക് സമ്മാനമായി നൽകി. മുഖ്യമന്ത്രിയുടെ ഭാഗത്തുനിന്ന് ഹൃദ്യമായ സ്വീകരണമാണ് ലഭിച്ചതെന്ന് നന്ദന വ്യക്തമാക്കി.
2017-19 കാലയളവിൽ കൊട്ടാരക്കര ഗവ. ഹയർ സെക്കൻഡറി സ്കൂളിലെ വിദ്യാർത്ഥിനിയായിരുന്നു നന്ദന.
കഴിഞ്ഞ ഓഗസ്റ്റിലാണ് സിവിൽ സർവീസ് പരിശീലനം ആരംഭിച്ചത്. കഠിനമായ പരിശീലനത്തിന് ശേഷമാണ് നന്ദന അസിസ്റ്റന്റ് കലക്ടർ പദവിയിൽ നിയമിതയാകുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
