16 വർഷത്തെ കാത്തിരിപ്പിനൊടുവിൽ ഫുട്ബോൾ ലോകകപ്പ് കിരീടം ചൂടിയ സ്പെയിൻ ടീമിന് ആശംസകളുമായി സിപിഎം നേതാവ് എം എം മണി രംഗത്തെത്തി. ഫേസ്ബുക്കിലൂടെ പങ്കുവെച്ച കുറിപ്പിലാണ് അദ്ദേഹം തന്റെ അഭിപ്രായങ്ങൾ രേഖപ്പെടുത്തിയത്.
മത്സരത്തെക്കുറിച്ച് അദ്ദേഹം പറയുന്നത് ഇങ്ങനെ: “പൊരിഞ്ഞ പോരാട്ടം അല്ലായിരുന്നുവെന്നും ഞങ്ങളുടെ ഗോളി മിടുക്കനായതിനാൽ ഒരു ഗോളിന് തോറ്റുവെന്നുമാണ് സ്പെയിനിന് ആശംസ നേർന്നുള്ള ഫേസ്ബുക്ക് കുറിപ്പിൽ എം എം മണി വിശദമാക്കുന്നത്. 5 ഗോളുകൾക്ക് തോൽക്കുമെന്നായിരുന്നു പ്രതീക്ഷിച്ചതെന്നും 110 മിനിറ്റ് വരെയും മത്സരം ഏകപക്ഷീയമായിരുന്നുവെന്നും എംഎം മണി ഫേസ്ബുക്ക് കുറിപ്പിൽ വിശദമാക്കുന്നത്.” ന്യൂയോർക്കിൽ നടന്ന ആവേശകരമായ ഫൈനൽ പോരാട്ടത്തിൽ അർജന്റീനയെ ഏകപക്ഷീയമായ ഒരു ഗോളിനാണ് സ്പെയിൻ പരാജയപ്പെടുത്തിയത്.
സ്പെയിനിന്റെ രണ്ടാം ലോകകപ്പ് കിരീടമാണിത്. എക്സ്ട്രാ ടൈമിലേക്ക് നീണ്ട
മത്സരത്തിന്റെ 106-ാം മിനിറ്റിൽ പകരക്കാരനായി ഇറങ്ങിയ ഫെറാൻ ടോറസ് ആണ് സ്പെയിനിന്റെ വിജയഗോൾ നേടിയത്. വ്യക്തിഗത പുരസ്കാരങ്ങളിലും സ്പെയിൻ ആധിപത്യം പുലർത്തി.
ലോകകപ്പിലെ മികച്ച താരത്തിനുള്ള ഗോൾഡൻ ബോൾ സ്പാനിഷ് നായകൻ റോഡ്രി സ്വന്തമാക്കി. മികച്ച ഗോൾകീപ്പർക്കുള്ള ഗോൾഡൻ ഗ്ലൗ സ്പെയിനിന്റെ ഉനായ് സിമോൺ കരസ്ഥമാക്കിയപ്പോൾ, മികച്ച യുവതാരമായി സ്പാനിഷ് പ്രതിരോധ താരം പാവ് കുബാർസി തിരഞ്ഞെടുക്കപ്പെട്ടു.
ഫ്രഞ്ച് താരം കിലിയൻ എംബാപ്പെ ഗോൾഡൻ ബൂട്ടിന് അർഹനായി. ടൂർണമെന്റിലുടനീളം മികച്ച പ്രകടനം കാഴ്ചവെച്ച സ്പെയിൻ, ഒരു മത്സരം പോലും തോൽക്കാതെയാണ് കിരീടത്തിൽ മുത്തമിട്ടത്.
ടൂർണമെന്റിൽ ഒരു ഗോൾ മാത്രമാണ് സ്പാനിഷ് വലയിൽ വീണത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
