ആൻഡ്രോയിഡ് ആപ്ലിക്കേഷനുകൾ തിരയുന്നതിലെ സങ്കീർണ്ണതകൾ ഒഴിവാക്കാൻ പുതിയ സാങ്കേതികവിദ്യയുമായി ഗൂഗിൾ. ആപ്പ് റിവ്യൂകൾ പരിശോധിക്കുന്നതിനും പരസ്യങ്ങൾ നിറഞ്ഞ ആപ്പുകളിൽ കുടുങ്ങുന്നതിനും അറുതി വരുത്തിക്കൊണ്ട് ‘ആസ്ക് പ്ലേ’ (Ask Play) എന്ന പുതിയ ഫീച്ചറാണ് ഗൂഗിൾ അവതരിപ്പിക്കുന്നത്.
ഗൂഗിളിന്റെ വാർഷിക ഐ/ഒ (I/O) ഡെവലപ്പർ കോൺഫറൻസിലാണ് ഇത് സംബന്ധിച്ച പ്രഖ്യാപനം ഉണ്ടായത്. നിർമ്മിത ബുദ്ധിയുടെ (Generative AI) സഹായത്തോടെ പ്രവർത്തിക്കുന്ന ഈ ടൂൾ, ആപ്പ് തിരയുന്ന പ്രക്രിയയെ ഒരു സ്വാഭാവിക സംഭാഷണം പോലെ ലളിതമാക്കുന്നു.
ഉപയോക്താക്കൾ ചോദിക്കുന്ന ചോദ്യങ്ങളുടെ സന്ദർഭം കൃത്യമായി മനസ്സിലാക്കി ഏറ്റവും അനുയോജ്യമായ ആപ്പുകൾ നിർദ്ദേശിക്കാൻ ഇതിന് സാധിക്കും. ഉദാഹരണത്തിന്, പരസ്യങ്ങളോ പണമടയ്ക്കേണ്ട
സൗകര്യങ്ങളോ ഇല്ലാത്ത ഒരു സയൻസ് ഫിക്ഷൻ സ്ട്രാറ്റജി ഗെയിം തിരയുമ്പോൾ, ഉപയോക്താവിന്റെ ആവശ്യങ്ങൾക്കനുസരിച്ച് ആപ്പ് കണ്ടെത്താൻ ഈ സംവിധാനം സഹായിക്കുന്നു. ഇതിനോട് അനുബന്ധിച്ച് “has an offline mode” എന്ന് കൂടി ചോദിച്ചാൽ, ആ പ്രത്യേകത കൂടി ഉൾപ്പെടുത്തിക്കൊണ്ടുള്ള ഫലങ്ങൾ ഉപയോക്താവിന് ലഭിക്കും.
“Plus, with Ask Play highlights, users can get a high-level summary of complex searches directly on the search results page to help find the right apps or games more effortlessly,” എന്ന് ടെക് ഭീമൻ കൂട്ടിച്ചേർത്തു. ഇതിന് പുറമെ, ഗൂഗിളിന്റെ ജെമിനി (Gemini) ചാറ്റ് ഇന്റർഫേസിലേക്കും ആപ്പുകൾ കണ്ടെത്താനുള്ള സൗകര്യം ലഭ്യമാക്കുന്നുണ്ട്.
ആൻഡ്രോയിഡ് പ്ലാറ്റ്ഫോമിലും വെബ് പതിപ്പിലും ലഭ്യമാകുന്ന ഈ സേവനം വരും ആഴ്ചകളിൽ പുറത്തിറങ്ങും. ഉപയോക്താക്കൾ നേരിട്ട് ചോദിക്കുന്നതിന് മുൻപേ തന്നെ ആവശ്യമായ ആപ്പുകൾ നിർദ്ദേശിക്കാൻ ഇതിന് സാധിക്കും.
സമുദ്രജീവികളെ തിരിച്ചറിയാനുള്ള ആപ്പുകൾ മുതൽ പഴയകാല ഫിലിം ക്യാമറ സൗന്ദര്യം ലഭിക്കുന്ന ആപ്പുകൾ വരെ ജെമിനി വഴി കണ്ടെത്താൻ ഉപയോക്താക്കൾക്ക് സാധിക്കും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
