തലയിലെ പേൻ ശല്യം പലരെയും അലട്ടുന്ന ഒരു പ്രധാന പ്രശ്നമാണ്. ബാക്ടീരിയ, വൈറസ്, ഫംഗസ് എന്നിവയെ ഫലപ്രദമായി പ്രതിരോധിക്കാൻ സഹായിക്കുന്ന ഒന്നാണ് ടീ ട്രീ ഓയിൽ.
അൽപം ടീ ട്രീ ഓയിൽ തലയോട്ടിയിൽ പുരട്ടി നന്നായി മസാജ് ചെയ്യുന്നത് പേൻ ശല്യം അകറ്റാൻ ഏറെ സഹായകരമാണ്. ഇതിനുപുറമെ, ബേബി ഓയിൽ ഉപയോഗിക്കുന്നതും മികച്ചൊരു പ്രതിവിധിയാണ്.
രാത്രി ഉറങ്ങുന്നതിന് മുൻപ് തലയിൽ ബേബി ഓയിൽ പുരട്ടി ഒരു രാത്രി മുഴുവൻ സൂക്ഷിക്കുക. പിറ്റേദിവസം രാവിലെ മുടി നന്നായി ചീകിയ ശേഷം ഷാംപൂ ഉപയോഗിച്ച് കഴുകിക്കളയാം.
തലയിലെ പേൻ ഇല്ലാതാക്കാൻ വിനാഗിരിയും ഫലപ്രദമായി ഉപയോഗിക്കാവുന്നതാണ്. കുറച്ച് തുള്ളി വിനാഗിരി തലയോട്ടിയിൽ പുരട്ടി ഏതാനും മിനിറ്റുകൾ കഴിഞ്ഞ ശേഷം മുടി നന്നായി കഴുകി വൃത്തിയാക്കുക.
ആഴ്ചയിൽ രണ്ടോ മൂന്നോ ദിവസം തുളസി അരച്ച് മുടിയിൽ തേച്ചുപിടിപ്പിച്ച ശേഷം കഴുകിക്കളയുന്നത് പേൻ ശല്യം ഗണ്യമായി കുറയ്ക്കും. അതുപോലെ തന്നെ ആര്യവേപ്പ് ഇതിനൊരു മികച്ച പരിഹാരമാണ്.
വേപ്പിലയുടെ നീര് തലയിൽ പുരട്ടി 10 മുതൽ 15 മിനിറ്റിനുശേഷം കഴുകിക്കളയുക. ഇത് ആഴ്ചയിൽ രണ്ട് ദിവസം ചെയ്യാവുന്നതാണ്.
ഒലിവ് ഓയിൽ ഉപയോഗിച്ചും ഈ പ്രശ്നത്തിന് പരിഹാരം കാണാം. ഉറങ്ങാൻ പോകുന്നതിനു മുൻപ് തലയോട്ടിയിൽ ഒലിവ് ഓയിൽ പുരട്ടുക.
പിറ്റേ ദിവസം രാവിലെ സൗമ്യമായ ഷാംപൂ ഉപയോഗിച്ച് തല കഴുകി വ്യക്തമാക്കാവുന്നതാണ്. കൂടാതെ, കുറച്ച് വെളുത്തുള്ളി അല്ലികൾ എടുത്ത് നന്നായി അരച്ച് പേസ്റ്റ് രൂപത്തിലാക്കുക.
ഈ പേസ്റ്റിലേക്ക് അൽപം നാരങ്ങാനീര് ചേർത്ത് നന്നായി യോജിപ്പിച്ച ശേഷം മുടിയുടെ വേരുകളിൽ പുരട്ടുക. ഇത് പേനിനെ ഫലപ്രദമായി തുരത്താൻ സഹായിക്കും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
