സംസ്ഥാനത്ത് ഏറെ വിവാഡങ്ങൾ സൃഷ്ടിച്ച ബ്ലീച്ചിങ് പൗഡർ ഇടപാട് ക്രമക്കേടിൽ വിജിലൻസ് അന്വേഷണം ആവശ്യപ്പെട്ട് കോൺഗ്രസ് നേതാവ് രംഗത്ത്. സംഭവത്തിൽ സമഗ്രമായ അന്വേഷണം നടത്തണമെന്ന് ആവശ്യപ്പെട്ട് കെ.
മുരളീധരൻ അന്നത്തെ ആഭ്യന്തര മന്ത്രി രമേശ് ചെന്നിത്തലക്ക് ഔദ്യോഗികമായി കത്ത് നൽകി. മഴക്കാല ശുചീകരണ പ്രവർത്തനങ്ങളുടെ ഭാഗമായി ഉയർന്ന വിലയ്ക്ക് ബ്ലീച്ചിങ് പൗഡർ വാങ്ങിയതുമായി ബന്ധപ്പെട്ട് വൻ സാമ്പത്തിക ക്രമക്കേടുകൾ നടന്നിട്ടുണ്ടെന്നാണ് പ്രധാന ആരോപണം.
ആകെ 7.32 കോടിയുടെ ഇടപാടാണ് നിലവിൽ വിവാദത്തിലായിരിക്കുന്നത്. കഴിഞ്ഞ നിയമസഭാ തെരഞ്ഞെടുപ്പിന് തൊട്ടുമുൻപുള്ള കാലയളവിലാണ് മഴക്കാല പൂർവ ശുചീകരണത്തിന്റെ മറവിൽ കെ.എം.എസ്.സി.എൽ വഴി ബ്ലീച്ചിങ് പൗഡർ വാങ്ങിയത്.
ഈ വിഷയത്തിൽ പ്രിൻസിപ്പൽ സെക്രട്ടറി നടത്തിയ പ്രാഥമിക അന്വേഷണത്തിന്റെ റിപ്പോർട്ടിൽ ആരോഗ്യ മന്ത്രി കടുത്ത അതൃപ്തി രേഖപ്പെടുത്തിയിരുന്നു. പ്രിൻസിപ്പൽ സെക്രട്ടറിയുടെ നേതൃത്വത്തിലുള്ള ഈ അന്വേഷണം അഴിമതിയിൽ ആരോപണ വിധേയരായ ഉദ്യോഗസ്ഥരെയും മറ്റും സംരക്ഷിക്കുന്ന തരത്തിലുള്ളതാണെന്ന ശക്തമായ വിലയിരുത്തലിനെ തുടർന്നാണ് ഇപ്പോൾ വിജിലൻസ് അന്വേഷണം ആവശ്യപ്പെട്ട് കത്ത് നൽകിയിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
