വിതുര: പൊന്മുടിയിലേക്കുള്ള യാത്രയ്ക്കിടെ വിനോദസഞ്ചാര മേഖലയിൽ വീണ്ടും ഗതാഗത തടസ്സം. പൊന്മുടിയിലെ ആറാം വളവിൽ വെച്ച് കെഎസ്ആർടിസി ബസ് തകരാറിലായതാണ് ഗതാഗതക്കുരുക്കിന് വഴിവെച്ചത്.
ശനിയാഴ്ച രാവിലെ 8.45-ഓടെയാണ് സംഭവം റിപ്പോർട്ട് ചെയ്തത്. നെയ്യാറ്റിൻകര കെഎസ്ആർടിസി ഡിപ്പോയിൽ നിന്ന് സർവീസ് നടത്തി വന്ന ബസ്, ഹെയർപിൻ വളവ് കടക്കുന്നതിനിടെ ബ്രേക്ക് ജാം ആയതിനെത്തുടർന്ന് റോഡിൽ നിശ്ചലമാവുകയായിരുന്നു.
വാരാന്ത്യമായതിനാൽ സഞ്ചാരികളുടെ വലിയ തിരക്കുള്ള സമയമായിരുന്നു ഇത്. ഇതോടെ, പിന്നാലെയെത്തിയ കെഎസ്ആർടിസി ബസുകളും തിരിച്ചിറങ്ങിയ വാഹനങ്ങളും വിനോദസഞ്ചാരികളുടെ ടൂറിസ്റ്റ് ബസുകളും ഉൾപ്പെടെയുള്ളവ കുടുങ്ങിപ്പോയി.
ഏകദേശം മുക്കാൽ മണിക്കൂറോളം നീണ്ട തടസ്സത്തിനൊടുവിൽ, വിതുര ഡിപ്പോയിൽ നിന്ന് എത്തിയ മെക്കാനിക് സംഘം തകരാർ പരിഹരിച്ച ശേഷമാണ് ഗതാഗതം പൂർവസ്ഥിതിയിലാക്കിയത്.
സമാനമായ രീതിയിൽ കഴിഞ്ഞ ആഴ്ചയും ഇതേ റൂട്ടിൽ അപകടമുണ്ടായിരുന്നു. അന്ന് നെയ്യാറ്റിൻകരയിൽ നിന്ന് വന്ന ബസിന്റെ ബ്രേക്ക് നഷ്ടപ്പെട്ടതിനെത്തുടർന്ന്, എൺപതോളം യാത്രക്കാരുമായി കോൺക്രീറ്റ് ഭിത്തിയിൽ ഇടിച്ച് ഡ്രൈവർ വാഹനം സുരക്ഷിതമായി നിർത്തുകയായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
