പരീക്ഷാ കേന്ദ്രത്തിൽ വൈകിയെത്തുന്നതും ഹാൾ ടിക്കറ്റ് നഷ്ടപ്പെടുന്നതും ഉദ്യോഗാർത്ഥികളെ സംബന്ധിച്ചിടത്തോളം വലിയ ആശങ്കകളാണ്. എന്നാൽ, അപേക്ഷാ സമർപ്പണത്തിനിടെ സംഭവിച്ച ഒരു അബദ്ധം മൂലം പരീക്ഷയ്ക്ക് മുൻപേ തന്നെ വാർത്തകളിൽ ഇടം നേടിയിരിക്കുകയാണ് ഒരു ഉദ്യോഗാർത്ഥി.
ഓൺലൈൻ അപേക്ഷാ പോർട്ടലിൽ അബദ്ധവശാൽ വേഷവിധാനം ശ്രദ്ധിക്കാതെ അപ്ലോഡ് ചെയ്ത ചിത്രം അഡ്മിറ്റ് കാർഡിലും വന്നതോടെയാണ് സംഭവം ശ്രദ്ധേയമായത്. അപേക്ഷാ നടപടികൾക്കിടയിൽ ഫോട്ടോ അപ്ലോഡ് ചെയ്യുമ്പോൾ ഉണ്ടായ അശ്രദ്ധയാണ് ഉദ്യോഗാർത്ഥിക്ക് വിനയായത്.
തത്സമയം ഫേഷ്യൽ റെക്കഗ്നിഷൻ (മുഖം തിരിച്ചറിയൽ) പരിശോധനയ്ക്ക് വേണ്ടിയുള്ള ചിത്രമാണിതെന്ന് കരുതി ഇദ്ദേഹം വീട്ടിൽ വെച്ച് ബനിയൻ മാത്രം ധരിച്ച് സെൽഫി എടുക്കുകയായിരുന്നു. എന്നാൽ, ആ ചിത്രം അപേക്ഷയുടെ ഭാഗമായി പോർട്ടലിൽ സ്ഥിരമായി സേവ് ചെയ്യപ്പെടുകയും, പിന്നീട് പുറത്തിറങ്ങിയ ഔദ്യോഗിക അഡ്മിറ്റ് കാർഡിൽ അച്ചടിച്ചു വരികയും ചെയ്തു.
ഈ സംഭവം ജഹാസി എന്ന ഉദ്യോഗാർത്ഥിയാണ് എക്സ് (ട്വിറ്റർ) പ്ലാറ്റ്ഫോമിലൂടെ പുറംലോകത്തെ അറിയിച്ചത്. ജൂലൈ 16, 2026-ൽ അദ്ദേഹം പങ്കുവെച്ച കുറിപ്പിൽ ഇങ്ങനെ പറയുന്നു: “The exam portal asked me to capture my face.
I thought it was only for facial recognition, so I clicked the picture while wearing just a baniyan. Now the system has processed and saved that photo in my application, and there’s no option to change it.
Same photo on admit card — Jahazi (@Oye_Jahazi) July 16, 2026” ഈ പോസ്റ്റ് സോഷ്യൽ മീഡിയയിൽ നിമിഷനേരം കൊണ്ടാണ് വൈറലായത്. ലക്ഷക്കണക്കിന് ആളുകളാണ് സംഭവം കണ്ടത്.
രസകരമായ ഒട്ടേറെ കമന്റുകളാണ് പോസ്റ്റിന് താഴെ നിറയുന്നത്. “പരീക്ഷയ്ക്ക് കോപ്പി അടിച്ചു പിടിക്കപ്പെട്ടാൽ പോലും നിങ്ങൾക്ക് പറയാം, ഞാൻ തുടക്കം മുതലേ തികച്ചും സുതാര്യനായിരുന്നു എന്ന്”, “ഭാഗ്യത്തിന് ബനിയൻ എങ്കിലും ഉണ്ടായിരുന്നുവല്ലോ”, “ഇനി അഡ്മിറ്റ് കാർഡിലെ ചിത്രവുമായി പൊരുത്തപ്പെടാൻ ബനിയൻ ഇട്ട് തന്നെ പരീക്ഷ എഴുതാൻ പോകേണ്ടി വരും” തുടങ്ങിയ കമന്റുകൾ ഏറെ ശ്രദ്ധനേടി.
സമാനമായ അനുഭവങ്ങൾ നേരിട്ട മറ്റു ചില ഉദ്യോഗാർത്ഥികളും തങ്ങളുടെ അനുഭവങ്ങൾ പങ്കുവെച്ച് രംഗത്തെത്തിയിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
