മുംബൈ ∙ പാൻ മസാല ഉൾപ്പടെയുള്ള പുകയില ഉൽപന്നങ്ങളുടെ ഉപയോഗം പ്രോത്സാഹിപ്പിക്കുന്ന പരസ്യങ്ങളിൽ അഭിനയിച്ചതിന് പ്രമുഖ ബോളിവുഡ് താരങ്ങൾക്ക് മഹാരാഷ്ട്ര ഫുഡ് ആൻഡ് ഡ്രഗ് അഡ്മിനിസ്ട്രേഷൻ (എഫ്ഡിഎ) നോട്ടിസ് അയച്ചു. ഷാറുഖ് ഖാൻ, അജയ് ദേവ്ഗൺ, ടൈഗർ ഷ്റോഫ് എന്നിവർക്കാണ് കാരണം കാണിക്കൽ നോട്ടിസ് നൽകിയിട്ടുള്ളത്.
സമൂഹമാധ്യമങ്ങളിൽ ഉൾപ്പെടെ നൽകിയിട്ടുള്ള പ്രമോഷനൽ പരസ്യങ്ങൾ നീക്കം ചെയ്യാനും നോട്ടിസിൽ ആവശ്യപ്പെട്ടിട്ടുണ്ട്. നോട്ടിസിലെ നിർദേശങ്ങൾ പാലിക്കുന്നില്ലെങ്കിൽ 2006 ലെ ഭക്ഷ്യ സുരക്ഷാ നിയമപ്രകാരം നടപടിയെടുക്കുമെന്നും എഫ്ഡിഎ മുന്നറിയിപ്പ് നൽകിയിട്ടുണ്ട്.
പാൻ മസാലയുടെയും അനുബന്ധ ഉൽപന്നങ്ങളും ഉപയോഗിക്കാൻ പ്രേരിപ്പിക്കുന്ന തരത്തിൽ സിനിമാതാരങ്ങൾ പരസ്യത്തിൽ അഭിനയിക്കുന്നത് മുൻപും വലിയ തോതിൽ വിമർശനങ്ങൾക്ക് കാരണമായിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
