ശ്വാസകോശ അർബുദം: തിരിച്ചറിയേണ്ട പ്രധാന ലക്ഷണങ്ങളും അപകടസാധ്യതകളും

ലോകമെമ്പാടും ക്യാൻസർ മൂലമുള്ള മരണങ്ങളുടെ പ്രധാന കാരണങ്ങളിലൊന്നായി ശ്വാസകോശ ക്യാൻസർ തുടരുന്നു. ശ്വാസകോശത്തിലെ കോശങ്ങൾ അസാധാരണവും അനിയന്ത്രിതവുമായ രീതിയിൽ വളർന്ന്, ശ്വാസകോശത്തിന് കേടുപാടുകൾ വരുത്തുകയും ശരീരത്തിന്റെ മറ്റ് ഭാഗങ്ങളിലേക്ക് വ്യാപിക്കുകയും ചെയ്യുന്ന ട്യൂമറുകൾ രൂപപ്പെടുമ്പോഴാണ് ശ്വാസകോശ അർബുദം ഉണ്ടാകുന്നത്.

ശ്വാസകോശ കലകളിലെ അസാധാരണ കോശങ്ങൾ അനിയന്ത്രിതമായി വളരുകയും, പലപ്പോഴും സാധാരണ ശ്വസനത്തെയും ഓക്സിജൻ കൈമാറ്റത്തെയും തടസ്സപ്പെടുത്തുന്ന മുഴകൾ രൂപപ്പെടുകയും ചെയ്യുമ്പോഴാണ് ഇത് സംഭവിക്കുന്നത്. ശ്വാസകോശ ക്യാൻസറിന്റെ പ്രധാനപ്പെട്ട

ലക്ഷണങ്ങൾ താഴെ പറയുന്നവയാണ്. മൂന്നാഴ്ചയിലധികം നീണ്ടുനിൽക്കുന്ന ചുമയെ ഒരു സീസണൽ അണുബാധയായോ അലർജിയായോ കരുതി അവഗണിക്കരുത്.

വിട്ടുമാറാത്ത ചുമ പലപ്പോഴും ശ്വാസകോശ ക്യാൻസറിന്റെ ഏറ്റവും ആദ്യത്തെ ലക്ഷണമാണ്. കഫത്തിൽ രക്തത്തിന്റെ അംശം കാണുന്നത് പോലും അസാധാരണമാണ്.

ക്ഷയം (Tuberculosis) പോലുള്ള അണുബാധകൾ ഈ ലക്ഷണത്തിന് കാരണമാകാമെങ്കിലും ശ്വാസകോശ അർബുദത്തിന്റെ സാധ്യത തള്ളിക്കളരുത്. പടികൾ കയറുമ്പോഴോ കുറഞ്ഞ ദൂരം നടക്കുമ്പോഴോ അസാധാരണമായ ശ്വാസംമുട്ടൽ അനുഭവപ്പെടുന്നത് ശ്വാസപാതയിൽ ട്യൂമർ തടസ്സം സൃഷ്ടിക്കുന്നതുകൊണ്ടോ ശ്വാസകോശത്തിന് ചുറ്റും ദ്രാവകം കെട്ടിക്കിടക്കുന്നതുകൊണ്ടോ ആകാം.

പ്രത്യേകിച്ച് ശ്രമിക്കാതെ ശരീരഭാരം കുറയുക, വിശപ്പില്ലായ്മ, അല്ലെങ്കിൽ വിട്ടുമാറാത്ത ക്ഷീണം എന്നിവ ക്യാൻസറിന്റെ പ്രാരംഭ ലക്ഷണങ്ങളാകാം. അതിനാൽ ഇവ ഒരിക്കലും അവഗണിക്കരുത്.

ശബ്ദത്തിലെ വ്യത്യാസമാണ് മറ്റൊരു ലക്ഷണം. വോക്കൽ കോഡുകളെ നിയന്ത്രിക്കുന്ന റിക്കറന്റ് നാഡിയിൽ ട്യൂമറുകൾ അമർത്തുമ്പോഴാണ് ഇത് സംഭവിക്കുന്നത്.