ബലിതർപ്പണ ചടങ്ങുകൾക്കായി സംസ്ഥാനത്ത് വിപുലമായ ക്രമീകരണങ്ങൾ. പിതൃപുണ്യത്തിന് വേണ്ടി പ്രാർത്ഥിക്കാൻ ആയിരക്കണക്കിന് വിശ്വാസികളാണ് ഇന്ന് കർക്കിടക വാവ് ദിനത്തിൽ വിവിധ ക്ഷേത്രങ്ങളിലും പ്രത്യേക ബലിതർപ്പണ കേന്ദ്രങ്ങളിലും പുലർച്ചെ മുതൽ എത്തിച്ചേർന്നിരിക്കുന്നത്.
തലസ്ഥാന ജില്ലയായ തിരുവനന്തപുരം ജില്ലയിലെ പ്രധാന കേന്ദ്രങ്ങളിലും വൻ തിരക്കാണ് അനുഭവപ്പെടുന്നത്. പ്രശസ്തമായ തിരുവല്ലം പരശുരാമ ക്ഷേത്രം, വർക്കല പാപനാശം കടപ്പുറം, ശംഖുമുഖം കടപ്പുറം തുടങ്ങിയ പ്രമുഖയിടങ്ങളിൽ പുലർച്ചെ രണ്ടരയോടെ തന്നെ ചടങ്ങുകൾ ഔദ്യോഗികമായി ആരംഭിച്ചു.
സുഗമമായ നടത്തിപ്പിന്റെയും തിരക്കു നിയന്ത്രിക്കുന്നതിന്റെയും ഭാഗമായി തിരുവല്ലം, വർക്കല, ശംഖുമുഖം എന്നിവിടങ്ങളിൽ ഇന്നലെ രാത്രി മുതൽ തന്നെ കർശനമായ ഗതാഗത നിയന്ത്രണങ്ങൾ ഏർപ്പെടുത്തിയിരുന്നു. അതുപോലെ തന്നെ കർക്കിടക വാവുബലിയുടെ ഭാഗമായി വയനാട് തിരുനെല്ലി ക്ഷേത്രത്തിൽ പുലർച്ചെ മൂന്ന് മണി മുതൽ ചടങ്ങുകൾക്ക് തുടക്കമായി.
പിതൃമോക്ഷപുണ്യം തേടിക്കൊണ്ട് നൂറുകണക്കിന് ആളുകളാണ് രാവിലെയോടെ തന്നെ പാപനാശിനിയിലേക്ക് എത്തിക്കൊണ്ടിരിക്കുന്നത്. വിശ്വാസികളുടെ വൻ തിരക്ക് മുൻകൂട്ടി കണ്ട് കൊണ്ടുള്ള എല്ലാ പ്രത്യേക ക്രമീകരണങ്ങളും അധികൃതർ ഇവിടെ നേരത്തെ തന്നെ ഒരുക്കിയിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
