മഹാത്മാഗാന്ധി സർവകലാശാലയിൽ വൈസ് ചാൻസലറുടെ നേതൃത്വത്തിൽ അക്കാദമിക് മേഖലയിൽ രാഷ്ട്രീയ ഇടപെടലുകൾ നടക്കുന്നതായി ഇടത് അധ്യാപക സംഘടനയുടെ ആരോപണം. വകുപ്പ് മേധാവികൾ സമർപ്പിച്ച വിഷയ വിദഗ്ധരുടെ പട്ടിക വൈസ് ചാൻസലർ പൂർണമായും തള്ളിക്കളഞ്ഞത് വൻ വിവാദത്തിന് വഴിവെച്ചിരിക്കുകയാണ്.
താത്ക്കാലിക അധ്യാപക നിയമനങ്ങളിൽ സംഘപരിവാർ അനുകൂലികളെ തിരുകിക്കയറ്റാൻ ശ്രമം നടക്കുന്നുവെന്നാണ് പ്രധാന ആക്ഷേപം. നിയമം, ഗണിതം, ഇംഗ്ലീഷ് തുടങ്ങിയ വിഷയങ്ങളിലെ അഭിമുഖങ്ങളിൽ പങ്കെടുത്ത ഉദ്യോഗാർഥികൾക്ക് സംഘപരിവാർ പശ്ചാത്തലമുണ്ടെന്ന് സംഘടന ചൂണ്ടിക്കാട്ടുന്നു.
ഇത്തരം നടപടികൾ സർവകലാശാലയുടെ അക്കാദമിക് മികവിനെ തകർക്കുന്നതാണെന്നും വിമർശനമുയരുന്നു. ഡോ.
മാവൂത്ത് വൈസ് ചാൻസലറായി ചുമതലയേറ്റ ശേഷം സർവകലാശാലയിൽ ഇത്തരം അജണ്ടകൾ നടപ്പിലാക്കാൻ നീക്കം നടക്കുന്നതായി ആരോപണമുണ്ട്. നേരത്തെ, സെനറ്റിലേക്ക് ഗവർണർ നാമനിർദ്ദേശം ചെയ്ത പ്രതിനിധികളുടെ പട്ടികയും ചർച്ചയായിരുന്നു.
ചാൻസലർ കൂടിയായ ഗവർണർ രാജേന്ദ്ര വിശ്വനാഥ് അർലേക്കർ നാമനിർദ്ദേശം ചെയ്ത 30 അംഗങ്ങളുടെ പട്ടികയിൽ 17 പേരും ബിജെപി ബന്ധമുള്ളവരാണെന്ന ആക്ഷേപം നേരത്തെ ഉയർന്നിരുന്നു. ഇതിൽ എഴുത്തുകാരുടെ വിഭാഗത്തിൽ ബിജെപി നേതാവ് ജെ.
പ്രമീളാദേവി ഉൾപ്പെട്ടതും വലിയ വിമർശനങ്ങൾക്ക് കാരണമായിരുന്നു. കൂടാതെ, ചാൻസലറുടെ നോമിനികളുടെ പട്ടികയിൽ കെ.
രംഗനാഥൻ കൃഷ്ണ ഇടംപിടിച്ചതും അക്കാദമിക് സ്വയംഭരണത്തെ ബാധിക്കുമെന്ന ആശങ്ക അധ്യാപക സമൂഹം പങ്കുവെക്കുന്നു. സർവകലാശാലയുടെ ഭരണഘടനപരമായ പ്രവർത്തനങ്ങളിൽ രാഷ്ട്രീയ താൽപ്പര്യങ്ങൾ മുൻനിർത്തി നടത്തുന്ന ഇത്തരം നിയമനങ്ങൾക്കെതിരെ പ്രതിഷേധം ശക്തമാകുകയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
