അഞ്ച് വർഷത്തെ ഇടവേളയ്ക്ക് ശേഷം പജേറോ തിരിച്ചെത്തി; പുതിയ അഞ്ചാം തലമുറ മോഡലുമായി മിത്സുബിഷി

ഓട്ടോമൊബൈൽ വിപണിയിൽ വൻ ചലനങ്ങൾ സൃഷ്ടിച്ചുകൊണ്ട് ജനപ്രിയ എസ്‌യുവിയായ പജേറോയെ ജാപ്പനീസ് വാഹന നിർമാതാക്കളായ മിത്സുബിഷി വീണ്ടും വിപണിയിൽ എത്തിച്ചു. നീണ്ട

അഞ്ച് വർഷത്തെ ഇടവേളയ്ക്ക് ശേഷമാണ് കമ്പനി അഞ്ചാം തലമുറ പജേറോയെ ഔദ്യോഗികമായി അവതരിപ്പിച്ചിരിക്കുന്നത്. മികച്ച വലുപ്പവും അത്യാധുനിക സൗകര്യങ്ങളും കരുത്തുറ്റ എൻജിനും കോർത്തിണക്കിയ ഏഴ് സീറ്റർ ഓഫ്-റോഡ് എസ്‌യുവിയായാണ് ഈ വാഹനം കളത്തിലിറങ്ങിയിരിക്കുന്നത്.

ആദ്യം തായ്‌ലൻഡിൽ വിൽപ്പന ആരംഭിക്കുന്ന വാഹനം, തുടർന്ന് ജപ്പാൻ, ഓസ്‌ട്രേലിയ തുടങ്ങിയ പ്രധാന വിപണികളിലേക്കും വ്യാപിപ്പിക്കും. ഇതിന്റെ ഭാഗമായി 2027 മാർച്ച് മാസത്തോടെ ജപ്പാനിലും ഓസ്‌ട്രേലിയയിലും പുതിയ പജേറോ എത്തിക്കാനാണ് കമ്പനിയുടെ പദ്ധതി.

എന്നാൽ വാഹനം ഇന്ത്യൻ വിപണിയിൽ ലഭ്യമാകുന്ന കാര്യത്തിൽ ഇതുവരെ ഔദ്യോഗിക സ്ഥിരീകരണങ്ങൾ ഒന്നും തന്നെ വന്നിട്ടില്ല. എങ്കിലും ഭാവിയിൽ ഇന്ത്യയിൽ അവതരിപ്പിക്കുകയാണെങ്കിൽ ടൊയോട്ട

ഫോർച്യൂണർ ഉൾപ്പെടെയുള്ള പ്രീമিয়ം എസ്‌യുവികൾക്ക് കടുത്ത മത്സരമായിരിക്കും ഈ വാഹനം സമ്മാനിക്കുക. പുത്തൻ ഡിസൈൻ ശൈലി പഴയ തലമുറ മോഡലുകളുടെ റെട്രോ രൂപകൽപ്പനയിൽ നിന്ന് പൂർണ്ണമായും വിട്ടുനിന്നാണ് പുതിയ പജേറോയുടെ വരവ്.

മിത്സുബിഷിയുടെ എക്സ്‌ഫോഴ്‌സ്, ഡെസ്റ്റിനേറ്റർ തുടങ്ങിയ ആധുനിക എസ്‌യുവികളിൽ നിന്നും പ്രചോദനം ഉൾക്കൊണ്ടാണ് ഇതിന്റെ നിർമ്മാണം. വലിപ്പമേറിയ ഫ്രണ്ട് ഗ്രിൽ, വീതിയേറിയ വീൽ ആർച്ചുകൾ, കരുത്തുറ്റ ലോവർ ബോഡി പ്രൊട്ടക്ഷൻ എന്നിവ വാഹനത്തിന്റെ പരുക്കൻ ഓഫ്-റോഡ് സ്വഭാവത്തെ പുറത്തുകാണിക്കുന്നു.

നേരായ മേൽക്കൂരയും വലിപ്പം കൂടിയ വിൻഡോകളും ക്യാബിനുള്ളിൽ മികച്ച ഹെഡ്‌റൂമും പുറത്തേക്ക് വ്യക്തമായ കാഴ്ചയും നൽകുന്നുണ്ട്. ആഡംബര സൗകര്യങ്ങളുള്ള 7 സീറ്റർ ക്യാബിൻ മൂന്ന് നിരകളിലായി 7 പേർക്ക് സുഖമായി യാത്ര ചെയ്യാവുന്ന വിശാലമായ ക്യാബിനാണ് ഇതിലുള്ളത്.

ഇതിലെ രണ്ടാം നിര സീറ്റുകൾ 150 മില്ലിമീറ്റർ മുന്നോട്ടും പിന്നോട്ടും ക്രമീകരിക്കാൻ സാധിക്കും. ഇത് വഴി മൂന്നാം നിരയിലെ യാത്രക്കാർക്ക് കൂടുതൽ കാലുകൾ നീട്ടിവെക്കാനുള്ള സ്ഥലവും ലഗേജുകൾ സൂക്ഷിക്കാനുള്ള ഇടവും ഉറപ്പാക്കാം.

ഉയർന്ന വകഭേദങ്ങളിൽ ലെതർ സീറ്റുകൾ, സോഫ്റ്റ്-ടച്ച് ഡാഷ്‌ബോർഡ്, ഡബിൾ-ഗ്ലേസ്ഡ് സൈഡ് വിൻഡോകൾ, അക്കൗസ്റ്റിക് വിൻഡ്‌സ്‌ക്രീൻ, ട്രൈ-സോൺ ഓട്ടോമാറ്റിക് ക്ലൈമറ്റ് കൺട്രോൾ, റിയർ സൺഷെയ്ഡ്, ചൂടാക്കാവുന്ന രണ്ടാം നിര സീറ്റുകൾ എന്നിവ സജ്ജീകരിച്ചിരിക്കുന്നു. ഡാഷ്‌ബോർഡിൽ രണ്ട് വലിയ 14.3 ഇഞ്ച് ഡിസ്പ്ലേകളും ചില വേരിയന്റുകളിൽ 12.3 ഇഞ്ച് സ്ക്രീനുകളും നൽകിയിട്ടുണ്ട്.

സുപ്രധാന പ്രവർത്തനങ്ങൾ നിയന്ത്രിക്കാനായി ഫിസിക്കൽ കൺട്രോളുകളും നൽകിയിട്ടുണ്ട്. ഫോർ-വീൽ ഡ്രൈവ് സംവിധാനം റോട്ടറി ഡയൽ ഉപയോഗിച്ച് എളുപ്പത്തിൽ നിയന്ത്രിക്കാം.

മൂന്ന് നിരകളിലും യുഎസ്ബി ചാർജിങ് പോർട്ടുകളും 12-സ്പീക്കർ യമഹ ഓഡിയോ സംവിധാനവും ഇതിലുണ്ട്. 204 എച്ച്പി കരുത്തുള്ള ഡീസൽ എൻജിൻ 2.4 ലിറ്റർ 4-സിലിണ്ടർ ടർബോ ഡീസൽ എൻജിനാണ് പുതിയ പജേറോയുടെ ഹൃദയം.

മിത്സുബിഷി ട്രൈറ്റൺ പിക്കപ്പിലും ഉപയോഗിക്കുന്ന ഈ എൻജിൻ പജേറോയിൽ 204 എച്ച്പി കരുവും 480 എൻഎം ടോർക്കും ഉത്പാദിപ്പിക്കാൻ ശേഷിയുള്ളതാണ്. പുതുതലമുറയുടെ 8-സ്പീഡ് ഓട്ടോമാറ്റിക് ഗിയർബോക്സാണ് ഇതിൽ കരുത്ത് പകരുന്നത്.

ട്രൈറ്റണിന്റെ ലാഡർ-ഫ്രെയിം പ്ലാറ്റ്‌ഫോമിൽ കാര്യമായ മാറ്റങ്ങൾ വരുത്തിയാണ് നിർമ്മാണം. ഉയർന്ന ടെൻസൈൽ സ്റ്റീൽ വ്യാപകമായി ഉപയോഗിച്ചിരിക്കുന്നതിനാൽ വാഹനത്തിന്റെ ബോഡി കൂടുതൽ ശക്തവും പ്രതിരോധശേഷിയുള്ളതുമായി മാറി.