ചെന്നൈയിലെ പെരമ്പൂർ റെയിൽവേ സ്റ്റേഷനിൽ അതീവ ദുരൂഹ സാഹചര്യത്തിൽ മൃതദേഹം കണ്ടെത്തി. റെയിൽവേ സ്റ്റേഷനിലെ നാലാം നമ്പർ പ്ലാറ്റ്ഫോമിലേക്കുള്ള കോണിപ്പടികൾക്ക് സമീപം ഉപേക്ഷിക്കപ്പെട്ട
നിലയിലുള്ള സ്യൂട്ട്കേസിനുള്ളിലാണ് മൃതദേഹം കണ്ടെത്തിയത്. കൊല്ലപ്പെട്ടത് തേനാംപെട്ട് സ്വദേശിയായ അമീർ അലി ആണെന്ന് പൊലീസ് സ്ഥിരീകരിച്ചു.
സംഭവത്തിൽ ഇയാളുടെ ഭാര്യയെയും കാമുകനെയും പൊലീസ് അറസ്റ്റ് ചെയ്തു. ജൂൺ 08, 2026-ന് ആണ് സംഭവം പുറത്തറിയുന്നത്.
തലയും കൈകാലുകളും വേർപെട്ട നിലയിലായിരുന്നു മൃതദേഹം.
സംഭവസ്ഥലത്ത് വച്ചല്ല കൊലപാതകം നടന്നതെന്നും, മറ്റൊരിടത്ത് വെച്ച് കൊലപ്പെടുത്തിയ ശേഷം മൃതദേഹം ഇവിടെ ഉപേക്ഷിക്കുകയായിരുന്നുവെന്നുമാണ് പ്രാഥമിക നിഗമനം. ഈ കേസിന്റെ ഗൗരവം കണക്കിലെടുത്ത് അന്വേഷണം പ്രത്യേക സംഘത്തിന് കൈമാറിയിരുന്നു.
തുടർന്ന് സ്റ്റേഷനിലെയും പരിസരത്തെയും സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ ശാസ്ത്രീയമായ അന്വേഷണത്തിനൊടുവിലാണ് പ്രതികളെ കുറിച്ച് സൂചന ലഭിച്ചത്. ഓട്ടോറിക്ഷയിൽ എത്തിയ പ്രതികൾ സ്യൂട്ട്കേസ് പ്ലാറ്റ്ഫോമിൽ ഉപേക്ഷിച്ച ശേഷം കടന്നുകളയുകയായിരുന്നു.
കൊലപാതകത്തിന് പിന്നിലെ കൃത്യമായ കാരണം കണ്ടെത്താനുള്ള ശ്രമങ്ങൾ പൊലീസ് തുടരുകയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
