ഇന്ത്യൻ വാഹന വിപണിയിൽ തങ്ങളുടെ സാന്നിധ്യം കൂടുതൽ ശക്തമാക്കുന്നതിന്റെ ഭാഗമായി പ്ലഗ്-ഇൻ ഹൈബ്രിഡ് (PHEV) വിഭാഗത്തിലേക്ക് കടക്കാൻ ഒരുങ്ങുകയാണ് ജെഎസ്ഡബ്ല്യു എംജി മോട്ടോർ ഇന്ത്യ. 2026 ഒക്ടോബറോടെ കമ്പനി തങ്ങളുടെ ആദ്യ പ്ലഗ്-ഇൻ ഹൈബ്രിഡ് മോഡൽ പുറത്തിറക്കുമെന്ന് ഔദ്യോഗികമായി സ്ഥിരീകരിച്ചു.
‘520’ എന്ന കോഡ് നാമത്തിൽ വികസിപ്പിക്കുന്ന ഈ പുതിയ എസ്യുവി, ഇന്ത്യൻ നിരത്തുകളിൽ എത്തുമ്പോൾ മികച്ച പ്രകടനം കാഴ്ചവെക്കുമെന്നാണ് പ്രതീക്ഷിക്കുന്നത്. 2026 ദീപാവലി കാലയളവിൽ വാഹനം വിപണിയിലെത്തുമെന്നാണ് സൂചനകൾ.
ഡിസൈനും പേറ്റന്റും
പുതിയ എസ്യുവിക്കായുള്ള ഒരുക്കങ്ങളുടെ ഭാഗമായി വുളിംഗ് സ്റ്റാർലൈറ്റ് 560-ന്റെ ഡിസൈൻ പേറ്റന്റ് കമ്പനി ഇതിനകം ഫയൽ ചെയ്തിട്ടുണ്ട്. അന്താരാഷ്ട്ര വിപണിയിൽ ലഭ്യമായ ഈ മോഡലിനെ പുതിയ ബ്രാൻഡ് ഐഡന്റിറ്റിയോടെ എംജി ലേബലിൽ ഇന്ത്യയിൽ അവതരിപ്പിക്കാനാണ് പദ്ധതി.
വലിപ്പത്തിന്റെ കാര്യത്തിൽ മഹീന്ദ്ര XUV 7XO-യെക്കാൾ മുന്നിലായിരിക്കും ഈ വാഹനം. 4,745 എംഎം നീളവും 1,850 എംഎം വീതിയും 1,755 എംഎം ഉയരവുമുള്ള വാഹനത്തിന് 2,810 എംഎം വീൽബേസും ഉണ്ട്.
സാങ്കേതിക മികവ്
ആഗോള വിപണിയിൽ വുലിംഗ് സ്റ്റാർലൈറ്റ് 560, പ്ലഗ്-ഇൻ ഹൈബ്രിഡ്, പൂർണ്ണമായും ഇലക്ട്രിക് വകഭേദങ്ങളിൽ ലഭ്യമാണ്. ഹൈബ്രിഡ് പതിപ്പിൽ 1.5 ലിറ്റർ പെട്രോൾ എഞ്ചിനൊപ്പം 20.5 kWh ബാറ്ററി പായ്ക്കും നൽകിയിരിക്കുന്നു.
ഇത് 197 bhp പവറും 230 Nm ടോർക്കും പ്രദാനം ചെയ്യുന്നു. ഇലക്ട്രിക് പതിപ്പിൽ 56.7 kWh ബാറ്ററി പായ്ക്കിൽ പ്രവർത്തിക്കുന്ന മോട്ടോർ 136 bhp പവറും 200 Nm ടോർക്കുമാണ് ഉത്പാദിപ്പിക്കുന്നത്.
ചൈനയുടെ CLTC മാനദണ്ഡങ്ങൾ പ്രകാരം, ഹൈബ്രിഡ് മോഡൽ ഇലക്ട്രിക്-ഒൺലി മോഡിൽ 100 കിലോമീറ്റർ റേഞ്ചും, ഇലക്ട്രിക് പതിപ്പ് ഒറ്റ ചാർജിൽ 500 കിലോമീറ്റർ റേഞ്ചും വാഗ്ദാനം ചെയ്യുന്നു. ഇന്റീരിയറും സുരക്ഷാ സംവിധാനങ്ങളും
ആധുനിക സൗകര്യങ്ങളോട് കൂടിയ മിനിമലിസ്റ്റ് ക്യാബിനാണ് വാഹനത്തിന്റെ മറ്റൊരു പ്രത്യേകത.
12.8 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും 8.8 ഇഞ്ച് ഡിജിറ്റൽ ഡ്രൈവർ ഡിസ്പ്ലേയും ഉൾപ്പടെയുള്ള സൗകര്യങ്ങൾ ഡാഷ്ബോർഡിൽ ഒരുക്കിയിട്ടുണ്ട്. 6-സ്പീക്കർ ഓഡിയോ സിസ്റ്റം, ഓട്ടോമാറ്റിക് ക്ലൈമറ്റ് കൺട്രോൾ, ലെതറെറ്റ് അപ്ഹോൾസ്റ്ററി, OTA അപ്ഡേറ്റുകൾ തുടങ്ങിയ സംവിധാനങ്ങളും വാഹനത്തിൽ ലഭ്യമാണ്.
സുരക്ഷയ്ക്കായി ഒന്നിലധികം എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ (ESC), EBD ഉള്ള ABS, റിയർ പാർക്കിംഗ് ക്യാമറ എന്നിവയും ഉൾപ്പെടുത്തിയിരിക്കുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
