വരാനിരിക്കുന്ന Google Pixel 11 Pro നിരയുടെ വിലയിൽ ഈ വർഷം വർദ്ധനവ് ഉണ്ടായേക്കുമെന്ന് റിപ്പോർട്ടുകൾ. എൻട്രി ലെവൽ മോഡലുകളിൽ കുറഞ്ഞ റാം ആയിരിക്കും നൽകുന്നത് എന്ന സൂചനകൾക്കിടയിലാണ് ഈ വിലക്കയറ്റം.
മെമ്മറി, സ്റ്റോറേജ് ചിലവുകൾ കഴിഞ്ഞ വർഷങ്ങളിൽ കുത്തനെ ഉയർന്നതാണ് ഇതിന് കാരണമായി ചൂണ്ടിക്കാണിക്കുന്നത്. Google-ന്റെ ഡിവൈസസ് ആൻഡ് സർവീസസ് വൈസ് പ്രസിഡന്റ് Shakil Barkat ഇത് സംബന്ധിച്ച് നേരത്തെ തന്നെ മുന്നറിയിപ്പ് നൽകിയിരുന്നു.
വിപണിയിലെ കടുത്ത റാം മെമ്മറി പ്രതിസന്ധിയാണ് വിലക്കയറ്റത്തിന് കാരണമെന്നാണ് കമ്പനി വ്യക്തമാക്കുന്നത്. ആൻഡ്രോയിഡ് ഫോണുകൾക്കും മറ്റ് ഇലക്ട്രോണിക് ഉപകരണങ്ങൾക്കും ഈ വർഷം വില കൂടിയിട്ടുണ്ട്.
Apple പോലും തങ്ങളുടെ മാക്, ഐപാഡ് എന്നിവയുടെ വില വർദ്ധിപ്പിച്ചിരുന്നു. ലഭ്യമായ വിവരങ്ങൾ അനുസരിച്ച് Google Pixel 11 Pro, Pro XL എന്നിവയുടെ അടിസ്ഥാന വില യഥാക്രമം $1,099 എന്നും $1,299 എന്നും മാറി 100 ഡോളറിന്റെ വർദ്ധനവ് ഉണ്ടാകുമെന്നാണ് സൂചന.
ഉപയോക്താക്കളെ ആകർഷിക്കുന്നതിനായി അടിസ്ഥാന സ്റ്റോറേജ് 256GB ആയി ഇരട്ടിയാക്കുമെങ്കിലും റാം 16GB-ൽ നിന്ന് 12GB ആയി കുറച്ചേക്കുമെന്നും റിപ്പോർട്ടുകളുണ്ട്. 512GB വേരിയന്റിൽ മാത്രമായിരിക്കും 16GB റാം ലഭ്യമാവുക.
ഹാർഡ്വെയർ കാര്യത്തിൽ ചില പരിമിതികൾ ഉണ്ടെങ്കിലും മികച്ച സോഫ്റ്റ്വെയർ അനുഭവമാണ് പിക്സൽ ഫോണുകൾ നൽകുന്നത്. മികച്ച ക്യാമറ, വേഗതയേറിയ പ്രവർത്തനം, ഒപ്പം Gemini സംയോജനം തുടങ്ങിയവ ഇതിന്റെ പ്രത്യേകതകളാണ്.
എങ്കിലും ഉയർന്ന വിലയും കുറഞ്ഞ റാമ്മും പിക്സൽ ഫോണുകളുടെ സ്വീകാര്യതയെ ബാധിച്ചേക്കാം. ഈ സാഹചര്യത്തിൽ ആകർഷകമായ ഡിവൈസ് ബണ്ടിലുകൾ അവതരിപ്പിക്കുന്നത് കമ്പനിക്ക് ഗുണം ചെയ്യുമെന്നാണ് വിലയിരുത്തപ്പെടുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
