രാഷ്ട്രീയ പ്രതിപക്ഷ പാർട്ടികളിൽ നിന്നും രാജിവെച്ച് എൻ.ഡി.എ സഖ്യത്തിൽ ചേക്കേറിയ പുതിയ പാർലമെന്റ് അംഗങ്ങൾക്ക് പിന്തുണയറിച്ച് പ്രധാനമന്ത്രി നരേന്ദ്ര മോദി. തൃണമൂൽ കോൺഗ്രസിൽ നിന്നും ശിവസേന ഉദ്ധവ് വിഭാഗത്തിൽ നിന്നും എൻ.ഡി.എയിലെത്തിയ എം.പിമാർക്കായി പ്രധാനമന്ത്രി തന്റെ ഔദ്യോഗിക വസതിയിൽ ഒരുക്കിയ പ്രത്യേക പ്രാതൽ വിരുന്നിലാണ് ഈ സുപ്രധാന പ്രഖ്യാപനം ഉണ്ടായത്.
യോഗത്തിനിടെ എം.പിമാരെ അഭിസംബോധന ചെയ്തുകൊണ്ട് പ്രധാനമന്ത്രി വ്യക്തമാക്കിയത് ഇങ്ങനെ: “ആരും ആശങ്കപ്പെടേണ്ടതില്ല, ഞാൻ നിങ്ങളുടെ ഒപ്പമുണ്ട്. എൻ.ഡി.എ ഒരു വലിയ കുടുംബമാണ്, ഒപ്പമുള്ള ഓരോ ഘടകകക്ഷിയേയും ഞങ്ങൾ ചേർത്തുപിടിക്കും”.
തൃണമൂൽ കോൺഗ്രസിൽ നിന്ന് വഴിപിരിഞ്ഞ് രൂപീകരിച്ച എൻ.സി.പി (ഐ)യിലെ 20 എം.പിമാരും, ഉദ്ധവ് താക്കറെ വിഭാഗത്തിൽ നിന്ന് മാറി ഷിൻഡെ ശിവസേനയിൽ ചേർന്ന 6 എം.പിമാരുമാണ് പ്രധാനമന്ത്രിയുടെ വസതിയിൽ നടന്ന ഈ നിർണായക യോഗത്തിൽ പങ്കെടുത്തത്. സദസ്സിലുണ്ടായിരുന്ന ശിവസേനയിലെ എം.പിമാരോട് പ്രത്യേകമായി മറാഠി ഭാഷയിലാണ് പ്രധാനമന്ത്രി സംസാരിച്ചത്.
മുന്നണിയിൽ എല്ലാവർക്കും അർഹമായ ബഹുമാനവും അർഹമായ അവസരങ്ങളും ലഭിക്കുമെന്ന് അദ്ദേഹം ഉറപ്പ് നൽകി. പാർലമെന്റിലെ നിയമനിർമ്മാണ ചർച്ചകളിൽ എല്ലാവരും സജീവമായി പങ്കെടുക്കണമെന്നും, പാർലമെന്ററി ചരിത്രവും നിയമങ്ങളും കൃത്യമായി വായിച്ചു മനസ്സിലാക്കണമെന്നും അദ്ദേഹം പുതിയ എം.പിമാരെ ഓർമ്മിപ്പിച്ചു.
അതോടൊപ്പം, മണ്ഡലങ്ങളിലെ വികസന പ്രവർത്തനങ്ങൾക്ക് എന്തെങ്കിലും തടസ്സങ്ങൾ നേരിടുകയാണെങ്കിൽ നേരിട്ട് പ്രധാനമന്ത്രിയുടെ ഓഫീസുമായി ബന്ധപ്പെടാമെന്നും, പ്രദേശത്തിന്റെ സമഗ്ര വികസനത്തിൽ പ്രത്യേക ശ്രദ്ധ കേന്ദ്രീകരിക്കണമെന്നും അദ്ദേഹം നിർദ്ദേശിച്ചു. വരുന്ന പാർലമെന്റ് സമ്മേളനങ്ങളിൽ നിർണായക ബില്ലുകൾ സുഗമമായി പാസാക്കുന്നതിനായി എൻ.ഡി.എയുടെ അംഗബലം പരമാവധി വർദ്ധിപ്പിക്കുന്നതിന്റെ ഭാഗമായാണ് വിമത എം.പിമാർക്ക് ഭരണപക്ഷം ഇത്രയധികം പ്രാധാന്യവും പിന്തുണയും നൽകുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
