ഡൽഹി: ലഹരിവിരുദ്ധ പ്രവർത്തനങ്ങളുടെ ഭാഗമായി കേരള പൊലീസ് നടപ്പിലാക്കുന്ന ഓപ്പറേഷൻ തൂഫാൻ ദൗത്യത്തെ കേന്ദ്ര ആഭ്യന്തരമന്ത്രി അമിത് ഷാ പ്രശംസിച്ചതായി സംസ്ഥാന ആഭ്യന്തര മന്ത്രി രമേശ് ചെന്നിത്തല വ്യക്തമാക്കി. ഡൽഹിയിൽ നടത്തിയ കൂടിക്കാഴ്ചയ്ക്കിടയിലാണ് കേന്ദ്രത്തിന്റെ ഭാഗത്തുനിന്നും ഈ അനുകൂല പ്രതികരണമുണ്ടായത്.
ഈ സുപ്രധാന ദൗത്യത്തിന് കേന്ദ്ര സർക്കാരിന്റെ പൂർണ്ണ പിന്തുണയും സഹായഹസ്തവും ഉണ്ടാകുമെന്ന് അമിത് ഷാ ഉറപ്പ് നൽകിയിട്ടുണ്ടെന്ന് രമേശ് ചെന്നിത്തല മാധ്യമങ്ങളോട് പറഞ്ഞു. രാജ്യവ്യാപകമായി നടപ്പിലാക്കി വരുന്ന ‘ലഹരിമുക്ത ഭാരതം’ പദ്ധതിയുടെ കീഴിൽ ഉൾപ്പെടുത്തിക്കൊണ്ടാകും ഓപ്പറേഷൻ തൂഫാന് ആവശ്യമായ കേന്ദ്ര സഹായങ്ങൾ ലഭ്യമാക്കുക.
സംസ്ഥാനത്തെ പൊലീസ് സേനയെ കൂടുതൽ ആധുനികവത്കരിക്കുന്നതുമായി ബന്ധപ്പെട്ട വിവിധ പദ്ധതികളുടെ രൂപരേഖ കേന്ദ്രത്തിന് സമർപ്പിച്ചിട്ടുണ്ട്.
സേനയ്ക്ക് അർഹതപ്പെട്ട വിവിധ ഫണ്ടുകൾ എത്രയും വേഗം അനുവദിക്കണമെന്ന ആവശ്യവും കേന്ദ്രത്തിന് മുന്നിൽ ഉന്നയിച്ചതായി അദ്ദേഹം കൂട്ടിച്ചേർത്തു.
കൂടാതെ, പൊലീസ് വകുപ്പിൽ 30 ശതമാനം വനിതാ സംവരണം നടപ്പിലാക്കുന്നതിനുള്ള നടപടികൾ ഉടൻ തന്നെ സ്വീകരിക്കുമെന്നും രമേശ് ചെന്നിത്തല വ്യക്തമാക്കിയിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
