നവിഡൽഹി: കേരളത്തിന്റെ സുരക്ഷാകാര്യങ്ങളും വിവിധ വികസന പദ്ധതികളും സംബന്ധിച്ച് നിർണായക ചർച്ചകളുമായി സംസ്ഥാന ആഭ്യന്തരമന്ത്രി രമേശ് ചെന്നിത്തല കേന്ദ്ര ആഭ്യന്തരമന്ത്രി അമിത് ഷായുമായി കൂടിക്കാഴ്ച നടത്തി. സംസ്ഥാനവുമായി ബന്ധപ്പെട്ട
വിവിധ ആവശ്യങ്ങൾ കേന്ദ്രമന്ത്രിയുടെ ശ്രദ്ധയിൽപ്പെടുത്തിയതായി കൂടിക്കാഴ്ചയ്ക്ക് ശേഷം രമേശ് ചെന്നിത്തല വ്യക്തമാക്കി. ഓപ്പറേഷൻ തൂഫാൻ സംബന്ധിച്ച വിശദാംശങ്ങൾ കേന്ദ്ര ആഭ്യന്തരമന്ത്രി ചോദിച്ചറിഞ്ഞതായും, സുരക്ഷാ പ്രവർത്തനങ്ങൾക്കായി കൂടുതൽ കേന്ദ്ര സഹായങ്ങൾ വാഗ്ദാനം ചെയ്തതായും അദ്ദേഹം അറിയിച്ചു.
പോലീസ് സേനയുടെ ആധുനികവൽക്കരണം ലക്ഷ്യമിട്ടുളള വിവിധ പ്രൊജക്ടുകൾ കേന്ദ്രത്തിന് സമർപ്പിച്ചിട്ടുണ്ട്. പോലീസ് സേനയിൽ വനിതകളുടെ പ്രാതിനിധ്യം 30 ശതമാനമായി ഉയർത്താൻ ലക്ഷ്യമിട്ടുളള സംസ്ഥാന സർക്കാരിന്റെ നടപടിയെ കേന്ദ്ര ആഭ്യന്തരമന്ത്രി അഭിനന്ദിച്ചതായി മന്ത്രി കൂട്ടിച്ചേർത്തു.
കൂടാതെ, ജയിലുകളുടെ അടിസ്ഥാന സൗകര്യ വികസനവുമായി ബന്ധപ്പെട്ട് കൂടുതൽ പ്രൊപ്പോസലുകൾ സമർപ്പിച്ചിട്ടുണ്ട്. നെട്ടുകാൽത്തേരിയിൽ പുതിയ സെൻട്രൽ ജയിൽ സ്ഥാപിക്കുന്നതിനുള്ള നിർദ്ദേശവും, പൂജപ്പുരയുമായി ബന്ധപ്പെട്ട
ഓപ്പൺ ജയിൽ പദ്ധതിയുടെ രൂപരേഖയും കേന്ദ്രത്തിന് കൈമാറിയതായി മന്ത്രി വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
